DataLife Engine - Softnews Media Group

Сәлеметсіз бе,Жанар! Хатыма жауап беріп,ілтипат танытқаныңызға рахмет! Менің аты-жөнім-Ғабиден Қожахмет,Қызылорда қаласының тұрғынымын,мамандығым-филолог,жергілікті оқу орнын қазақ филологиясы мамандығы бойынша тәмамдап шыққам.Сіздердің сайттарыңызды көріп,той тақырыбына арналып жазылған өз өлеңдерім де,бәлкім,біреулердің кәдесіне жарап,қызығушылығын оятар деген ниетпен "Гүл атты бүгін қыз-ғұмыр" және "Бақыттың тойы басталды" деген екі өлеңімді жолдап отырмын.Сіздерге алдын ала рахмет! Оқырман көбейсін!
С/н:Ғабиден

Гүл атты бүгiн қыз-ғұмыр.

Бақыттың тойы басталды

үйлену тойына арналған тілектер

Адамның бір қызығы бала деген,

Баласыз көңіл шіркін толар ма екен.

Дүбірлі той жасамай баласына,

Қазақтың жағасы жайлауына қонар ма екен.

Құтты болсын шалқар тойың,

Тарқамасын үйіңнен қызық-ойын.

         ЕКІ ЖАСҚА ТІЛЕК

(сайт бетіндегі өтініш-тілектерге байланысты жазылған өлең-шумақтар)

Жалғастырып кеше мен бүгінгіні,
Еске сап ата дәстүр-бұрынғыны.
Міне,тағы бас қосты ортамызда
Екі жас ұнатқан соң бірін-бірі.

***

Бақыт қонып ақ отау түндігіне,
Тағы да сезім нұры күлді,міне.
Қол ұстасты жұбайлар салтанатпен
Жарастығы сай келіп бір-біріне.

***

Бергеннен соң қос жүрек сенімге ерік,
Той жасады тағы да елің болып.
Түсіп жатыр,мінеки,біздің елге
Іргелі елдің бір қызы келін болып.

***

Ақ жол болсын үлкеннен бата алғаның,
Құтты болсын шаңырақ-отандарың!
Жайнай берсін қашанда гүлге оранып
Бүгінгі сендер тіккен отауларың!

***

Ұрпақ ерсін ізетті іздеріңнен,
Бақ күлкісі кетпесін жүздеріңнен!
Өмірлерің болашақ арылтпасын
Әрдайым бақытты осы кездеріңнен!

***

Тілеймін ырысты отау қаланғанын,
Қос жүрек сезім отын жаға алғанын.
Қол ұстасқан жұбайлар,құтты болсын
Жасаған болашаққа қадамдарың!

***

Үлкендер көрсін ізет ойлы жастан,
Сендерге нұрын төксін айлы аспан!
Үнемі тек осындай шаттықпенен
Көрейік тойларыңды тойға ұласқан!

*** ****

Жар сүйіп,болуға отау қам қылыпсың,
Қолыңа бақыт құсын қондырыпсың.
Осылай дос-жаранды шаттандырып,
Думанмен айналаны ән қылыпсың.
Ақ неке қиылған соң жұбайыңмен,
Біріңе бірің үшін мәңгіліксің!

***

Жақсы жар жаннан әр кез табылады,
Кетсе алыс бірін-бірі сағынады.
Бүгінгі көтерілген отауыңның
Әр кезде биік болсын шаңырағы!

***

Отаудың іргетасы босамасын,
Берік қып қойсын тәңір босағасын!
Жарыңмен қалап алған қол ұстасып,
Ел мен ел,дос пен достың қос арасын.

***

Тілеймін татулықтың сезілгенін,
Таусылмай қиындықта төзімдерің.
Біріңді-бірің сүйген жүректегі
Сөнбесін,лауласын ақ сезімдерің!

***

Үйреніп жақсылықтың жастан бәрін,
Тойларға жайылсын тек дастарқаның!
Ағайын,міне,тағы ортамызда
Көрдіңіз қуаныштың басталғанын.

***

Бәрі де тоймен өтіп жыл,айлардың,
Көбейсін қуанышы мұңайғанның.
Жақсылық алып келіп болашағы,
Бағы ассын ақ некелі жұбайлардың!

***

Сөнбесін сенім-сәуле жүректегі,
Болады әр нәрсенің бір өткелі.
Бүгінгі тойда айтылған ел мен жұрттың
Қабыл боп қалсын бата-тілектері!

Ғабиден ҚОЖАХМЕТ

Әпке тілегі
(өтініш бойынша жазылған)

Жетсінші дер ем бауырды мен де баққа мың,
Тағдырың саған атқызсын әр кез ақ таңын.
Еркелей күлген елігі едің бір үйдің,
Сіңілім,сен де босаға бүгін аттадың.
Жаныңда енді өмірлік жолдас-қосағың,
Үмітпен күттің осынау күннің тосарын.

Отбасы және "жауынгер"(әзіл)

-Кеше күйеу баланың туған күніне бардық,-деді таныс келіншек әңгіме үстінде,-өңкей қайын апалар жиналыппыз.Жақсылап сыйлық апардық."Күйеу-дұшпан"-деген бар ғой.Сіңліміздің миын мүжіп жүрер әйтпесе.
-Не дедің?
-Күйеу-дұшпан,-деймін.
-Сонда сендер күйеу балаларыңды дұшпан санайды екенсіңдер ғой.Онда сіңлің "дұшпанға" қарсы "ұрыс жүргізуші" "жауынгер-қыз" шығар.Келіншек сылқылдай күлді.Бұл әзіл-шыны аралас әңгіме осы қысқа диалогтан кейін туындап кетіп еді.
***
Әлдебір қарулы күштер 

Әпкеге тілек
(сайт оқырманының өтініші бойынша жазылған)

Қалықтап махаббаттың аспанда әні,
Жайылды думан-тойдың дастарханы.
Ұғынысқан жүрекпен тұр ғой бүгін,
Тағы бір жұбайлық жол басталғалы.

Игілік пен Гүлнар үйлену тойына ақ тілек. Тілекті Рахметова Айжан Матайқызы сыйлаған, Павлодар облысы, Аққу ауданы, Төс-Ағаш ауылынан:

Метки к статье: үйлену тойына құттықтау, екі жасқа