DataLife Engine - Softnews Media Group

Оразақын Асқар

 

Қиын да емес, оңай да емес үй болу,

Ой бөлу үйге, қамқорлық жасап үйрену,

Көңілін табу, қабағын бағу жарыңның,

Екеу боп өмір сүрудің жолын игеру.

 

Болады онда ішкі де сыртқы – саясат,

Аяйық жарды біреуді егер аясақ.

Жақсы үйде болмақ әскери қатаң құпия,

Жүрмеңдер әсте ішкіні сыртқа жая сап.

Менің бес тамырласым бар.

Өмір-өзендегі бес ағындасым бар.

Бес байлығым, ырысым, бес өрісім,

Менің бес қарындасым бар.

 

Беу, менің қанаттастарым!

Шын қуандыңдар жазылса абат дастаным.

Сендерменен тереңдеп тұңғиық өмір.

Сендерменен биіктеп баратты аспаным.

 

Өмір бесеуіңді көш жолға салды,

Бір-біріне ұқсамайтын бес жолға салды.

Өмір жыры таусылмасын мәңгілік,

Тұрсын алдан арайланып таң күліп,

Бақыт болсын әрқашанда жолығар,

Шаттығыңыз тау суындай молығар.

*******************************

Тілеймін бақытты өмір ашық аспан,

Жалғанда тілек бар ма одан асқан.

Аман боп жанұяң мен бауырларың,

Жалғансын ақ таңдарын нұрын шашқан!

*******************

Мейірлі жүзің болсын,
Дархан пейілің болсын.
Қайсар жігерің,

Бауырмал мінезің болсын!
****************

Көктемнің күлімдеген күні болшы,
Өмірдің шешек атқан гүлі болшы,
Қуанышты, көңілді өмір сүріп,

Өмірде ең бақытты жандардың бірі болшы!

*******************

Өзіңе қонар бақтың баяндысын, бітер дәулеттің көл-көсірлігін, келер ырыстың ысырап болмауын, жүрек гүлінің мәңгі солмауын, шаңырағыңа шаттық орнауын, Тәңірдің шексіз қолдауын тілейміз!

 ********************

Тек шаттыққа толы күндер кешіп, бағыңда бақыт құсы сайрап,

сәулетіңе сай дәулет орнасын деп тілеймін.

 **************************

Осы қуанышты күні Сізге деніңіздің саулығын,

шаңырағыңызға ырыс байлығын,

жүрегіңізге мәңгі жастық жалынын,

көңіліңізге сезімнің шалқыған шаттығын тілейміз.

Әрдайым осы тыңғылықты да тындырымды қалпыңыздан  танбай,

табыстан табысқа жете беріңіз.

Отбасыңыздан ынтымақ, басыңыздан бақ таймасын!

Көңіліңіз ғұмыр бойы көтеріңкі болып,

өмір айдынында қайғы-мұңды білмей, еркін жүзе беріңіз.

Дос-жаран мен туған – туыс алдында абыройыңыз әрдайым артып,

аңсаған арманыңыздың асуларына жете беріңіз!

 ***************************************

Абырой, амандығың арта берсін.

Бақ-дәулет қызығымен қатар берсін,

Қонағың жақсы көрген жиі келіп,

Таусылмас дәм-тұзыңды тата берсін.

 

Осындай ойын-сауық бол берсін,

Үй-іші той-думанға тола берсін,

Өмірдің гүл жайнаған жәннәтындай

Баршаңа бақыт құсы қона берсін.

 

Осы үйге көп-көп қылып бала берсін,

Балаға таудай талап, сана берсін,

Бәрі де балалардың өнерлі боп,

Бақыты барған сайын жана берсін!

 

Осы үйге сұлу мінез келін берсін,

Келінге адал ниет, пейіл берсін,

Ақ көңіл, ата-анаға мейірімді боп,

Қызығын бала-шаға түгел көрсін!

 

Жаныңда жақсы көрген көршің болсын.

(Көршіңіз жақсы болса – бейне төркін),

Ағайын, туған-туыс, жекжаттарың  -

Баршасы сау-саламат, өсіп-өнсін!

 **********

Құдайым көктем берсін,

Көктем берсе – көптен берсін,

Құдайым жаздай берсін,

Жаздай берсе – жазбай берсін,

Құдайым күздей берсін,

Күздей берсе  - үзбей берсін,

Құдайым қыстай берсін,

Қыстай берсе – қыспай берсін!

 

************

Күміс күлкі жүзіңнен арылмасын,

Болсын дейміз әрдайым бағың басым.

Отбасыңа тілейміз біз амандық,

Жаратқан дәйім Сізді жарылқасын.

 *****************

.... туған күнің құтты болсын!

Ағайын-туысқанмен ортаң толсын.

Бір көрген адам Сізге көңілі толған,

Туысқан бауырларға сыйлы болған.

 

Тойыңыз әрқашанда тарқамасын,

Өзіңді балаларың арқаласын,

Жасыңа дәл осындай жас қосылып,

Көңілің дариядай жарқырасын.

 ***********************

Той-думан болсын өмірің сарқылмайтын,

Бақыт берсін ешқашан таусылмайтын.

Тілейміз сізге саулық, ұзақ ғұмыр,

Орындалсын ой-арман тілегіңіз.

 *************

Аспаныңыз ашық, жүзіңіз жарқын, шаттық-қуанышыңыз мол болсын.

 *************

Жұлдызыңыз жоғары, еңбегіңіз бағалы, мерейіңіз үстем болсын.

*************

Мерейіңіз таси берсін, мәртебеңіз биіктей берсін.

*************

*************

Шаңырағыңызға береке-бірлік,  шадыман шаттық-қуаныш  тілейміз

 ****************

70-75-80-85-90-95-100 жасқа арналған тілектер топтамасы

Ақ айдынға салып бақыт кемесін,
Жарқын жүзбен қуанышпен келесің,
Құтты болсын жетпіс бесің, әжетай,
Өзіңізді бір құдайым демесін.
Бәйтерексіз жапырағы жайқалған,

60-70 жасқа арналған тілектер мен құтттықтаулар топтамасы

Жүйрік уақыттың ұшқыр қанаты Сізді мағыналы ғұмырыңыздың биік бір белесі – 70 жасқа алып жетті. Сіз осы кемелдікке тың жігер, жарқын көңілмен келіп отырсыз.

"Қарттары бар ел – қазынасы бар ел” – деген сөз бар халқымызда. Осынау жылдар ішінде өмірдің талай белестерінен табысты өтіп, бүгінде өркен жайған алып бәйтеректей үлкен бір әулеттің ақылшы тірегі, арқа сүйері болып отырсыз.

50-60 жасқа арналған тілектер мен құттықтаулар топтамасы

Қуанышты еселі етсін Тәңірім,

Қызықты тек өте берсін өмірің.

Шаңырағың толы болып шаттыққа,

Өсіп-өнсін ұрпақтарың-тамырың.

 

Тілек еттім  алғы күннің ажарын,

Сарқылмасын Өмір-өзен, базарың.

Көлдей көңіл тілеймін таусылмайтын,

өзендей өмір болсын сарқылмайтын.

Аспаның айлы түндей ашық болсын,

Дұшпаның бір өзіңнен қашық болсын.

Айта берсек тілек көп таусылмайтын,

Жаза берсек, қалам көп майыспайтын.

Жүректегі тілекті өлеңменен

Жеткіземін мен саған шын көңілмен!!!

 *******************

 Өмірде үш бақыт құсы бар: Көгершін, Қарлығаш, Аққу.

Көгершіннің мейірімділігін, Қарлығаштың қайырымдылығын,

Аққудың ақ махаббатын тілеймін.

 *************************************

 Өткенге өкінбе, Болашақты болжама, осы шақты бағала.

 ***********************

 Өмір  – теңіз, жүзе біл, махаббат келсе күте біл.

Өмір – асқар асулар, тек сүрінбей өте біл.

 ************************

 Өзендей өмір, көлдей көңіл тілеймін.

 ************************

 Шаттыққа толы  күндер,

Думанға толы кештер,

Ыстық құшаққа толы  түндер тілеймін.

 **********************

Арманың биік болсын,

Қиялың жүйрік болсын.

 **********************

 Қыстай қатты денсаулық,

көктемдей көңілді өмір,

жаздай ыстық махаббат,

күздей мол табыс тілеймін

 ********************

Арманың алдамасын,

Өмірің өкіндірмесін.

Махаббатың мұңайтпасын.

 *******************

 Жеңілі мен ауыры, шуағы мен дауылы қатар жүретін

Өмір атты ұзақ жолдың аяғы талмас жолаушысы бол!

Өмір қуанышын сыйлаған ата-анаң мен жанашыр бауырларыңның көз қуанышы, сүйіктіңнің аяулысы, достарыңның қалаулысы бол!

Арайлап атқан әрбір таң мен нұрлана батқан әрбір кеш бақыт сыйласын!

 *******************

 Өмір атты теңізде Бақыт атты кемемен жүзіп өтуіңе тілектеспін!

 ********************

Ана құшағындай жылулық,

Көктем гүліндей сұлулық,

Атар таңның шапағатын,

Қос  аққудың махаббатын,

Аспандарың  ашық болсын,

Әрбір  басқан  қадамың сәтті болсын!!!

 *******************

Мейірлі жүзің болсын,

Дархан пейілің болсын.

Қайсар жігерің,

Бауырмал  мінезің болсын!

 **********************

Әрдайым Алланың назарында, бақыттың базарында жүр.

 ***********************

Бүркіттің жүрегін, нағыз достың ниетін тілеймін.

Мәңгі бақи ажырамас шын ғашықтың білегін тілеймін.

 ********************

 Әрбір атқан таңың ажарлы, тірлігің базарлы болсын.

 *************

Жанарың әрдайым нұр шашып,

жүзің күндей күлімдеп,

жүрегің жаздай жайнап,

көңілің көктемдей жадырасын.

 *************

Қуаныш пен шаттық, махаббат пен әсемдік, жеміс пен жеңіс тілеймін.

 *************

 Еңбек жолыңа шалқар шабыт, тартулы табыстар тілеймін.

 *************

 Бастарыңыздан бақ, дастархандарыңыздан береке кетпесін!

 *************

 Шаңырағыңыздан шаттық, босағаңыздан қызық-қуаныш кетпесін!

 ***********

Жүзің нұрлы болсын,

Жүрегің сырлы болсын,

Тілің жырлы болсын.

 *******************************

Өзіңе арманның аяулысын,

бақыттың баяндысын,

жолдардың сәттісін,

махаббаттың тәттісін тілеймін

 *******************************

суретте Айдара Жарқынқызы, 9 ай, Алматы қаласы

 

 

 

 

 

Құтты болсын туған күн,

Кіндігіңді кесіп ап,

Жібек жіппен буған күн.

Шілдехана суымен

Алғаш рет жуған күн.

Орап алып жөргекке,

Ақ сүтін асыл ананың,

Емірене емген күн.

Әкең келіп төбеңнен

Тебірене төнген күн.

Қуанғаннан ел-жұртың

Көрімдігін берген күн.

«Кімге тартты екен?» деп

Бетіңді ашып берген күн.

Туған күнің жыл сайын

Жүз жыл бойы тойлансын.

Өсіп үрім-бұтағың,

Арманыңа жете бер,

Өмір шексіз көк теңіз,

Тоқтамастан кеше бер.

 

Кішкентай қызымызға өмірдегі бар жақсылықты тілейміз. Әрдайым көз қуанышымыз болып, аман – есен ортамызда жаздай жадырап, гүлдей құлпырып  жүре берсін. Ең бастысы, қазақтың қызы деп атқа лайық болсын.

      «Киімге жамау түссе де, көңілге жамау түспесін» деген. Ендеше, үнемі көңілі жақсылықтан жадырасын.

                                                          ***

Отбасымыздың тәп-тәтті бүлдіршіні, көз қуанышымызды өмір есігін ашқан күнімен құттықтаймыз.       

Қыран болып самғап, алыстарды көздеп, биіктерді бағындыратын  үлкен азамат бол, жаным. өмір жолы сені ешқашан адастырмай, әр басқан қадамыңа Алланың нұры жаусын.

                                                            ***

«Ақыл – тозбайтын тон, білім – таусылмайтын кен» деген. Қызымыздың білімді, ақылды болуын тілейміз. Өмір жасы ұзақ болсын. Ата - әжесін тек қана жақсылықтармен қуанта берсін.

 ***

 

Анаңа шуақ бол, әкеңе қуат бол!

***********

Қасқырдың қайратын,

арыстанның айбатын,

жылқының сақтығын,

бүркіттің қырағылығын тілеймін.

 ***************

Тау суындай таусылмас қайрат,

Сыр суындай сарқылмас жігер,

Гүлдей жайқалған ғұмыр,

Гүлдей тербелген өмір тілеймін.

***********************

Қажымас қайрат,

Талмас талап,

Мұқалмас жігер,

Қайтпас қажыр тілеймін.

 ***********

Бақыт сарайының бас құрылысшысы бол деген тілекпен

құттықтау қарлығашын жолдаймын.

 ************************

«Қонақ келсе,  құт келер» деген ұстаныммен өмір сүретін қазақ халқы үшін қонақ күтудің, қонақ болып барудың өзіндік дайындығы, тіпті қағидасы бар. Той-томалаққа барушының "қандай тілек айтсам екен" деген ойы көп ізденушілікке жетелейтіні жасырын емес. Салтанатты жиындарда, мерейтойларда, дәстүрлі басқосуларда, кішігірім отырыстарда сөз қадірін түсінетін әрбір қазақ айтар тілегіне  іштей дайындалып (тіпті кейде күні бұрын ізденіп),  жүректен шыққан тілекті сөзбен әсемдеп жеткізуге тырысады. Қазіргі таңда үлкен тұсаукесерлерде  де азаматтарымыз бен ханымдарымыз өз тілектерін қазақ тілінің көркем сөзімен бастауды мақсат тұтып келеді. Бұл әрине қуанарлық жайт. Қазақша тілек айту – үлкен өнер. Бұл ретте, біз әрбір шаңыраққа, Сіз үшін қымбат жандарға арналған тілектердің топтамаларын ұсынуды жөн көріп отырмыз. Көш жүре түзелер дегендей, алып-қосар пікірлеріңіз болса, төмендегі пошталарға хабарласуларыңызға болады: [email protected] немесе [email protected]

В кругу родных и знакомых на различных торжествах по случаю именин, свадеб и других традиционных мероприятий всегда хочется отличиться красноречием.  На нашем сайте Вы найдете необычные поздравления на казахском языке, пожелания с днем рождения в стихах и прозе, бата. В круг тем для поздравлений вошли также национальные и государственные праздники Республики Казахстан и традиционные семейные обряды и торжества. На страницах сайта размещены задушевные песни казахского народа, стихи поэтов, способные украсить любое торжество, подборка наиболее часто употребляемых пословиц и поговорок и метких выражений, игры, анекдоты.