Категория: Ән - көңілдің ажары » Қазақстан композиторларының әндері » Шәмші әндері
Өлеңі – Жұмекен Нәжімеденовтікі
Әні – Шәмші Қалдаяқовтікі
Алтын күн аспаны,
Алтын дән даласы,
Думанды бастады,
Далама қарашы.
Кең екен Жер деген,
Жерге дән шықты ғой.
Дән егіп терлеген,
Қазағым мықты ғой.
Қайырмасы:
Менің елім, менің елім,
Гүлің болып егілемін,
Жырың болып төгілемін, елім,
Туған жерім менің – Қазақстаным.
Сағымды далам бар,
Сабырлы көлім бар.
Қараңдар, жарандар,
Осындай елім бар.
Қарсы алған уақытты,
Ежелгі досындай.
Біздің ел бақытты,
Біздің ел осындай.
Қайырмасы.
Категория: Өлең - сөздің патшасы
Мен – қазақпын мың өліп, мың тірілген,
Жөргегімде таныстым мұң тіліммен.
Жылағанда жүрегім күн тұтылып,
Қуанғанда күлкімнен түн түрілген.
Мен – қазақпын, ажалсыз анамын мен,
Құрсағыма сыйдырдым даланы кең.
Пәк сәбимін бесікте уілдеген,
Дәуірлермен құрдаспын, данамын мен.
Категория: Бата-тілектер » Өсиет
Айналасын жер тұтқан
Айды батпас демеңіз,
Айнала ішсе таусылмас
Көл суалмас демеңіз.
Құрсағы құшақ байлардан
Дәулет таймас демеңіз,
Жарлыны жарлы демеңіз,
Жарлы байға тең келіп,
Жайлауға жарыса көшпес демеңіз,
Жалғызды жалғыз демеңіз,
Жалғыз көпке тең келіп,
Бір жапанда соғысып,
Кегін алмас демеңіз.
Құландар ойнар қу тақыр,
Қурай бітпес демеңіз.
Құрай бітпес құба жон,
Құлан жортпас демеңіз.
Құрсағы жуан боз бие
Құлын салмас демеңіз.
Құлық туған құлаша
Құрсақтанбас демеңіз.
Қу таяқты кедейге
Дәулет бітпес демеңіз.
************************
Категория: Өлең - сөздің патшасы
ӘЙЕЛДЕР-АЙ!!!
Әйелдер-ай!
Әйелдер-ай!
Қандайсың?!
Әдемі боп кетіпсің ғой әрқайсың.
Категория: Немерелерге, Өлең - сөздің патшасы, Шығармалар
Бұл дүниенің ең қызығы немере
Қанат жайып өсе берсін кереге
Шаңыраққа уық болып шаншылып
Келе берсін немере мен шөбере
Оның иісі елден ерек тамаша
Жүрегіңнің соғуы да жаңаша
Шайға салған қант секілді ерисің
Ата деген бір сөзіне балаша.
Категория: Үйлену тойы , Өлең - сөздің патшасы, Шығармалар
Оразақын Асқар
Қиын да емес, оңай да емес үй болу,
Ой бөлу үйге, қамқорлық жасап үйрену,
Көңілін табу, қабағын бағу жарыңның,
Екеу боп өмір сүрудің жолын игеру.
Болады онда ішкі де сыртқы – саясат,
Аяйық жарды біреуді егер аясақ.
Жақсы үйде болмақ әскери қатаң құпия,
Жүрмеңдер әсте ішкіні сыртқа жая сап.
Категория: Іні-қарындастарға, Өлең - сөздің патшасы, Шығармалар
Менің бес тамырласым бар.
Өмір-өзендегі бес ағындасым бар.
Бес байлығым, ырысым, бес өрісім,
Менің бес қарындасым бар.
Беу, менің қанаттастарым!
Шын қуандыңдар жазылса абат дастаным.
Сендерменен тереңдеп тұңғиық өмір.
Сендерменен биіктеп баратты аспаным.
Өмір бесеуіңді көш жолға салды,
Бір-біріне ұқсамайтын бес жолға салды.
