DataLife Engine - Softnews Media Group

Құлайын деп бара жатам құлдырап,

Көңілім жүдеп, көзім алды бұлдырап,

Сол кезде бір ән естимін жақыннан,

Аққан бұлақ секілденген сылдырап.

Есім жиып, өз бойымды тік ұстап,

Тіршіліктің әуенімен тыныстап,

Сергимін де, сезім гүлін құлпыртам,

Кел дегендей болады бір күміс бақ..

                                             *****************

Бәрі де, Ана,

Бір өзіңнен басталды.

Сен деп жаздым алғаш өлең дастанды.

Қуандым ба,

Өзің бар деп қуандым.

Жыладым ба,

Өзің жоқ деп жас тамды.

************

Әкем біреу, анам да біреу менің,

Мен жығылсам сүйенер тіреулерім.

Олар барда мереке, көрген емен

Қабақтарын шытқанын, түнергенін.

                                 ************

Әйел достар,

Еркектерді жөндеп күтіп бағыңдар,

Оларға ылғи жағыныңдар, жағыңдар,

Толып жатыр өкініштің себебі,

Еркек деген өте нәзік келеді.

Сұлу көрсе, сұлу көрсе, тез босайды буыны,

Әсер еткіш оған күннің суығы,

Еркек деген о бастан-ақ шаршауық,

Қозғамаңдар жатса-дағы жау шауып.

                                                                    *************

Мен көрмесем деп ем,

Төккенін көзіңнің мол мұң,

Шыққанын сөзіңнің солғын,

Менің өмірім бір кітап десем,

Үлкен ғой онда өзіңнің орның.

Бар күйі шертілген жоқ

Жастықтың сазының да әлі,

Жайлауым жазы құмындағы,

Сен бір қызық тараусың, інім,

Өмірімнің мазмұнындағы.

Мен саған саясын тіледім

 

«Керегенің басында оймақ тұрар,

Кедейшілік жігітке қой бақтырар.

Алған жары жігіттің жақсы болса,

Атын байлап алдында ойнап тұрар» -

 

Деп жырлайды бұл қазақ өлеңі,

Қара өлеңі – ақсақал көрегені.

Жарға теңеп жатады үйдің отын,

Жарға теңер төсек пен керегені.

 

Жарқыратып жүретін арман-арай,

Жырлар жазған жар жайлы толғап Абай!

Жары жақсы жігітке бақ қараған,

Шаруасы дөңгелеп алға қарай.

 

Жары жақсы жігіттің – аспаны ашық,

Әр күн оқыр қызықты дастан ашып!

Жақсы жары – жігіттің берекесі,

Күннен күнге көбейер достары асып.

 

Ана атын жүргендер жасап ұран,

Бұл сөзіме келтірмес аса күмән!

Бағы ашылған жігітке құдай берген,

Бағы ашылу – жігіттің қосағынан!

 

Жарың – жаның,

Жолдасың – алқаласың,

Тойлап жатыр сол бүгін орта жасын.

Жақсы жары – жігіттің алтын тәжі,

Басыңдағы базарың тарқалмасын!

Көрсетіп жанашырлық жиып көшін,

Бауырлық сезімімді иіткенсің...

інімнің мәртебесін биіктеттің,

Сіздің де мәртебеңіз биіктесін!

 

Даланың сияқтанған дара дүзі,

Жақсының бұл өмірде қалады ізі...

Есімің жүреді іні ізетінде,

Қазақтың қарапайым қара қызы!

 

Ардақты әпке!

Қуанышыңыз құтты болсын! мықты денсаулық, ұзақ өмір, мол бақыт тілеймін.

*************

Айтқанда туған жерді дір етпес кім,

Жаралған топырақ – бір, жүректесің:

.................... өңірінің төлі ғой деп,

Әрдайым сыртыңыздан тілектеспін.

 

Жаның сұлу үйлескен – тылсым делік,

Жемісіңді еліңе жүрсің беріп.

Қазағымның бақ қонған қызы едің,

Мақтанамын киелі бір шың көріп!

*************

Төбемізден төге бермес шуақты,

Тағдыр шіркін қатыгездеу болса да.

Жаны жайсаң асыл әпкем сияқты,

Жақсы адамдар тіршілікте қаншама!

О, Нағашым,

Бәйтерегім, жемісім,

Құрған өмір кілемінде желімің!

Ортақ болған шаттығым мен қайғыма,

Өзің қамқор, батагөйсің мен үшін!

 

Сауап, ізет нұрландырып санасын,

Әлпештеген апасын да, анасын,

Құтты болсын жасап жатқан тойыңыз,

Дана орнына дана болған нағашым!

 

Қоныстанып қаласын да, даласын,

Жетілдірген тоғыз ұл-қыз баласын,

Құтты болсын бүгінгі алтын тойыңыз,

Аға орнына аға болған нағашым!

Оңнан туып Күніңіз бен Айыңыз,

Тұлпар болды сіз баптаған тайыңыз.

Бар тілегі – біздей ақын жиеннің,

Құтты болсын бүгінгі нұр тойыңыз!

*************

ЖИЕНДЕРІМ,

Тойыңа арнап мен келдім,

Қыз дегенің – жат жұрттық,

адамы деп өзге елдің.

Армысыңдар, жиналған жұрттары апамның,

Қалып кеткен көздері менің асыл жездемнің.

 

Ата дәстүр бойынша сатпайды қыз сүйгенін,

Апам үшін мақтанам – жақсы болды  жиенім!

Құтты болсын тойларың .......... әулеті,

Барлығыңды кеудеме басып, қысып сүйемін.

 

Сендерсіңдер тірліктің желкілдеген құрағы,

Апам, жездем арманын өздеріңе ұлады!

Тойға ұлыссын тойларың – ту қадаңдар биікке,

Жақсы туған жігітке жат жұрт келіп тұрады.

Ал, Аға, құтты болсын 50 жасың,

Әр уақытта домалап өрге тасың.

Ұшырған бәрімізді осы ұядан,

Әрдайым аман болсын алтын басың.

 

Шаңыраққа ие, біздерге аға болар,

Ағасы бардың дейді жағасы бар.

Өткізіп өміріңді қызықпенен.

Келешек қосағыңмен қоса ағар.

 

Айтарымыз ақ шашты анамызға

Мерей той куәгері балаңыз да.

Осындай қызықтарға куә болып

Жүре бер әрдайым ортамызда.

***********

Біраз болды ауылға бармағалы-ай,

Денсаулығы жездемнің қазір қалай...

Күләш апамның демдеген күрең шайын

Ұрттап ішіп жатыр ма жантайып-ай.

***********