Сортировать статьи по: дате | популярности | посещаемости | комментариям | алфавиту
Информация к новости
  • Просмотров: 3250
  • Автор: janar
  • Дата: 9-01-2011, 15:25
9-01-2011, 15:25

Нарболат Мұрсәлімбаев Семейден

Категория: Туыстарға » Балама

Жалғызымды сағынғанда

Еске түсіп істеген барлық қылық

Ұлым-ау әкең ойлап жүр сағынып

Түске кірсең шын көргендей қуанамын

Құлыныма менсіз үйде кім жүр тиісіп.

***********

Информация к новости
  • Просмотров: 2746
  • Автор: janar
  • Дата: 9-01-2011, 15:23
9-01-2011, 15:23

Нарболат Мұрсәлімбаев Семейден

Категория: Туыстарға » Жарыма

45 – жасқа

 Туған күні  құтты болсын отбасының

45 – деген бұл өмірде жарты ғасыр

Ұлыңның қызығын қызықтай бер

Әр уақытта домалап өрге тасың.

***********

Кетірмеген берекесін дастарханның,

Туған күні құтты болсын От-анасының.

Тағы да осыншама өмір сүріп,

Қызығын қызықтай бер жалғызыңның.

**********

Туған күні  құтты болсын жолдасымның

Он бес жыл отасқан от басымның

Кім білед енді қанша боларымды

Өзіңе неке қиған отағасының.

Тілерім зор денсаулық, ұзақ өмір тау халқының,

Жақсылығын тілеймін бұл жалғанның,

Арадағы жалғыз бұтақ, жалғыз ұлың,

Көр соның жапырағының жайқалғанын! 

***********

Информация к новости
  • Просмотров: 31923
  • Автор: janar
  • Дата: 8-01-2011, 12:35
8-01-2011, 12:35

50 жасқа тілек

Категория: Туыстарға » Аға-апайларға

     Ардақ тұтар абзал ағамыз ер-азаматтың кемел жасы елуге толуы - біз үшін үлкен қуаныш.

Ағайынға, жақын-жұрағатқа, қызметтес әріптестеріне ғана емес, өзін білетін барша жанға сыйлы, беделді ағамызды және онымен өмірдің қызық-қуаныштарын бірге бөліскен асыл жеңгемізді адал көңіл, ақ ниетіммен құттықтаймын.

   Тағдыр ұзағынан сүйіндірсін, шаңырақтарыңыздан лайым шаттық, құт-береке үзбесін, мерейлеріңізді дәйім үстем етсін, балаларыңыздың қуанышына кеңелтсін.

**********

Информация к новости
  • Просмотров: 4125
  • Автор: janar
  • Дата: 7-01-2011, 22:05
7-01-2011, 22:05

анамның 50 жасына

Категория: Туыстарға » Анама

Елу жасқа толыпсың анам бүгін,

Түрлендірсін ақ тілек өмір гүлін.

Құтты болсын дүниеге есік ашып,

Алғаш рет сәби боп келген күнің.

 

Орындалсын, анажан, басты арманың,

Жалындатсын нұрыңыз жастар жанын.

Ұлы тойға ұлассын туған күнің,

Жақсылыққа жайылып дастарханың.

 

Жеміс берсін тер төккен еңбегіңіз,

Бақыт болсын әрдайым көргеніңіз.

Жүзге жетіп баянды ғұмыр кешіп,

Арта берсін абырой беделіңіз.

********

Информация к новости
  • Просмотров: 4199
  • Автор: janar
  • Дата: 7-01-2011, 21:55
7-01-2011, 21:55

Апамызға

Категория: Туыстарға » Аға-апайларға

Өмірінде күйбең тірлігін ойламай

ағайынның бірлігін ойлайтын,

Мал-мүлік, дүние жинамай

достың сырын тыңдайтын.

Дастарханы жиылмайтын,

Көк шәйнегі суымайтын,

Шаңырағынан немерелердің

Сыңғыры, шуы тыйылмайтын,

Апамыздың туған күні құтты болсын!

************

Информация к новости
  • Просмотров: 3015
  • Автор: janar
  • Дата: 7-01-2011, 19:41
7-01-2011, 19:41

Біздер үшін Сіз отырған төр қызық

Категория: Туыстарға » Аға-апайларға

Біздер үшін Сіз отырған төр қызық,

Соңыңыздан бәрімізді ергізіп.

Жүзден асып, жасай бер деп тілейміз,

Немерелер, шөберелер өргізіп.

************

Информация к новости
  • Просмотров: 7557
  • Автор: janar
  • Дата: 3-01-2011, 12:55
3-01-2011, 12:55

Ағаларға тілектер

Категория: Туыстарға » Аға-апайларға

Несібе үзіп әр күннің үлесінен,

Шыға білдің әр істің үдесінен.

................... ............. ұлы деген,

Жұртымызға әйгілі бір есім ең!

 

Мінезіне бос еткен сабыр - ойды,

Бұл өмірде жігітсіз абыройлы.

Тойлап жатыр тойыңды ағайынның,

Бұл көрініс босатар тағы бойды.

***********

Бала шақтан кеудеңде таласты үміт,

Қаныңда жоқ әу бастан оғаш қылық.

Өз күшіңмен келесің асыл аға,

Бақытыңды сәтімен қаластырып.

 

Той тойлаған жақсы ғой жанұямен,

Құда жекжат, нағашы, қариямен.

Жүзге дейін талмастан, қажымастан,

Жүзе бергін ұлы Өмір-дариямен!...

********

Қазақтың кең даласы жүректі,

Барша жанға аппақ, таза тілекті.

Бір атаның би ағасы бұл ағам,

Жер бетіне қаншама әсем гүл екті.

 

Қайырымды қолын созған сан досқа,

Бұл адамға жыр жазбадым мен босқа.

Бұл ағама арналатын сөз басқа,

Бұл ағама айтылатын ән басқа!

 

Сізге біткен ой құнарлы, тіл нұрлы,

Өнегесін жас ұрпаққа білдірді.

Жібергендер қолтығынан Сіз демеп,

Алатауға ту қадап та үлгерді.

 

Әлдекімдер жоғалтса ұят, қиса арын,

Жолға салдың, түзеп мінін, қиқарын.

Тасқан жанның тас қамалын талқандап,

Мұңды жанның маңдайынан сипадың.

********

Информация к новости
  • Просмотров: 10736
  • Автор: janar
  • Дата: 27-12-2010, 21:38
27-12-2010, 21:38

Кемел Кеніш Әкеге арналған тілектер

Категория: Туыстарға » Әкеме

Асқар тау тірегім – Асыл әке...

 

Сіз – теңіздің бастауы бұлақсыз,

Біз – көлдің сәні құрақпыз.

Сіз – сөздің басы сұрақсыз,

Біз - өміріңіздің байлауы, соңыңыздағы  тұрақпыз.

Сіз – таудың шыңысыз, Папа!

Біз – сіз еккен баудың гүліміз.

Кілеміңіздің өрнегі сынды ұл-қыздарыңыз,

Папа!

«Әке – балаға сыншы» деген,

Өзіңізге мәлім қылығымыз бен тіліміз!

Үйіміздің шуақты нұры аяулы анамыз болса,

Бәріміздің шырқап айтар ән-жырымыз – асқар тау – Папа, сізсіз! Ақылшы тірегіміз де Өзіңізсіз!

Бүгінгі ұлы жиыныңызбен сізді шын жүрегімізбен құттықтап, ұл-қыздарыңыз, немере-шөберелеріңіз ұзақ ғұмыр тілейді.

 ***************

    Адамгершілігімен, азаматтық іс-әрекетімен айналасына қадірлі болған, кісілік пен кішілік нұры тұла бойынан төгіліп тұрған сіздей ардақты әкемізді әрдайым мақтаныш етеміз!

   Өмір жолында адаспау үшін білімді болуға, еңбексүйгіштікке үйреткен, жамандықтан сақтандырып, пана болған өзіңіз! «Балам, «көргенсіздің баласы» деген жаман атаққа қалма. Адал жүріп, тұр! Қолыңнан келсе жақсы іс жасап, алғыс ал» деген өсиетті құлағыма құйып тәрбиелеген де өзіңіз! Сіздің осындай тәрбиеңіздің шарапатын көп жерде көрдім, өмірден өз орнымды адаспай табуыма көп көмегі тиді. Сол үшін сізге мәңгі қарыздармын.

***********

Информация к новости
  • Просмотров: 8451
  • Автор: janar
  • Дата: 27-12-2010, 21:30
27-12-2010, 21:30

Кемел Кеніш Әжеме

Категория: Туыстарға » Ата-әжеге

Алтын әжем менің!

   Тілеуімді тілеген, еркелігімді көтерген, мен ауырсам – жаны ауырған, көрмей қалса сағынған асыл әжетайым! Көңілі кең, жүрегі мейірімді, кеудесі қазына, сөзі қасиетті ақ әжем менің! Нұрлы жүзіңе жарасқан ақ жаулығыңнан, немересін барлығынан артық жақсы көрген ыстық ықыласыңнан айналдым!

  Бар тәттіні аузыма тосып, бар жақсыны үстіме кигізіп, еркелетіп өсірген, қызық ертегісі мен ақыл-өсиетін құлағыма құюдан жалықпаған дана әжем менің. Әрқашан ортамызда осылай ұрпақтарыңның қызығына кенеліп жүре бер! Жасыңыз ұзақ болсын, ауырмаңыз!

************

   Әжетай! Әулетіміздің киесі, барлығымыздың ақылшымыз, шаңырағымыздың берекесін кіргізіп отырған асыл жан өзіңізсіз!

   Беліңіз қайысқанша еңбек етіп, қанаттыға қақтырмай, тұмсықтыға шоқтырмай, мейіріміңізді төге жүріп күтіп-баптап өсірген ұл-қыздарыңыз өркен жайып, бүгінде бір-бір шаңырақты құрап, өсіп-өнді – қара орманға айналды. Сол үшін ұрпақтарыңыз сізге мәңгі қарыздар. «Анасы бар адамдар ешқашан қартаймайды» - дейді. Алла сізге күш-қуат берсін! Ұл-қыздарыңыз бен немере-шөберелеріңіздің ортасында әрдайым жүзіңізден шуақ шашырап, қызығына тоймай жүре беріңіз!

***********

Информация к новости
  • Просмотров: 7259
  • Автор: janar
  • Дата: 27-12-2010, 21:23
27-12-2010, 21:23

Кемел Кеніштің Анаға арнаған тілектері

Категория: Туыстарға » Анама

Перзентке жұмсаған бұла күшін,

Ана – ырыс, бақ – дәулет,

Жұбанышың.

Көкбөрінің тегінен тарағандар,

Құтты болсын бүгінгі қуанышың!

 

Тал бесікке тірлікті ілмектеген,

Мадақтауға Ананы тіл жетпеген.

Алатаудың шыңына ту тігеді,

Анасына той жасап, құрметтеген.

***************

      Анаға арналған әндер, жырлар, ізгі тілектер, жылы лебіздер қаншама! Халық арасында «Ана бір қолымен бесікті тербетсе, екінші қолымен әлемді тербетеді» деген қанатты сөз бар.

 

   Ендеше Анаға арналған жырымыз, әніміз, тілегіміз ешқашан таусылмауға тиісті, таусылмайды да.

   Өз бақытын, қуанышын өзі өмірге әкелген перзенттерінің қылығынан, қызығынан іздейтін аяулы Анам менің! Саған әлемдегі бар жақсы тілекті үйіп-төксем де аз. Алла сізге ең алдымен мықты денсаулық берсін!

   Әрқашан жүзіңізден мейірім нышаны кетпей, айналаңызға нұрыңызды шашып, Аналық бақытқа кенеліп жүре беріңіз!

*************

   Бүкіл өмірін балаларына арнап, өмірлік серігіне адал жар, ардақты ана бола білген, бүгінде қызын -қияға, ұлын – ұяға қондырып, немерелерінің сүйікті Әжесі болып отырған асыл Анамыз, сізді бүгінгі мерейтойыңызбен шын жүректен құттықтаймыз!

   «Анаңды Меккеге үш рет арқалап апарсаң да қарызыңнан құтыла алмайсың» деген сөз бар.

   Ардақты ана, сізге қажымас қайрат, зор денсаулық тілей отырып, айналаңызға шуағыңызды шашып ұзақ өмір сүріңіз демекпіз!

************

^