Аяз ата

 Ақ таяғын таянып,

Таңмен бірге оянып.

Аяз ата келіп тұр,

Ақ күпіге оранып.

 

Қайырмасы:

Ал балалар, тұрмайық

Би билейік, ойнайық

Аяз ата қуансын

Дөңгеленіп зырлайық.

 *************

Қыс қызығы

Аппақ көше бар бала,

Аппақ ойлар, қыраттар.

Ақ шатырлы қырқалар

Ақ жамылып тұр бақтар.

 

Қайырмасы:

         Шаңғы, шана сайла

         Конькиіңді байла

         Думандатып ойна

        Қыс қызығын тойла.

 ************

Зырлайды шанамыз

 Аязды келіп қыс

Алғашқы қар ұшты

Аппақ боп үстіміз

Ақ қырау жабысты.

 ***********

Аппақ, аппақ, жапалақтап

Қар жауады тынбастан

Қалың орман қар жамылған

Маужырайды түнгі аспан.

   

        Қайырмасы:

Кел билейік, үйренейік

Ол келгенше жаңа жыр.

Құтты болсын, құтты болсын,

Құтты болсын жаңа жыл.

***********

 Өлеңі - Нұфтолла Шәкеновтікі

Әні – Мыңжасар Маңғытаевтікі

 

Іздедім сені, білмедім сені,

Қайдасың, қалқам, қай жақта?

Жаныммен құлап, қалдың-ау ұнап,

Кез болып маған бей уақта.                  2 рет

 

 

 

Өлеңі - Әнуарбек Дүйсенбиевтікі

Әні - Әсет Бейсеуовтікі

 

Түн жамылып келеміз, айсыз ашық аспан,

Төбемізде жұлдыздар үнсіз жымыңдасқан.

Бара жатқан зымырап байқалмайды уақыт,

Бұл не деген қуаныш, бұл не деген бақыт!

 

Әні – Гүлнар Дәукенованікі

Өлеңі – Шөмішбай Сариевтікі

Сағындым, сағым уақыт,

Табатын жаным бақыт.

Балалық ұяның,

Қарлығаш қиялын

Еске алып тербелемін.

Жұлдызын көгімнің,

Бақытын өмірдің

Аңсаумен мен келемін.

 

Қайырмасы:

 

Сағыныш-ай,

Сағыныш-ай,

Сен де бір арман,

Сен де бір жалған.

Сағыныш-ай, сағыныш-ай,

Сенімен бірге

Толқиды жаным менің.

 

 

Ажарың көктемдегі ашық таңдай,

Жанарың түскен жанды жасытқандай.

Жасыңнан жалын шашып жарқ еткенде

Қалады-ау қандай жігіт ғашық болмай,

                                        ғашық болмай

 

            Е-е-и-й, қыздар-ай!

            Гүлдейсіңдер,

            Жүрмейсіңдер

            Ғашық етпей.

            Сендерсіз өмір бізге

            Ұқсайды қоңыр күзге – қасіреттей   

 

 

                                      Өлеңі  Қадыр Мырза-Әлидікі

Құбылмай көңіл тұрмайды,

Тыныштығымды ұрлайды.

Жанымда жүрген жақынның,

Жақындығы да бір қайғы.

 

Жылжымай уақыт тұрмайды,

Зулайды және зырлайды.

Алдыңда тұрған арудың,

Алыстығы да бір қайғы.

 

Сезімім ішке сыймайды,

Жыр болып неге құймайды.

Қарт өмірменен жас көңіл,

Қосылып мені қинайды.

 

Ажарыңның ашығын-ай, құдаша!

Сендей болсын ғашығым-ай құдаша!

Ұлан-асыр осы тойдың үстінде,

Тау суындай тасыдым-ай, құдаша!

 

Жанарыңның жарқылын-ай, құдаша!

Магниттей тартуын-ай, құдаша!

Ай деп,

Күн деп,

Ақ шолпан деп,

Тең таппай,

Бар теңеуді сарқыдым-ай, құдаша!

 

Мен қайтейін, көңіл саған құласа,

Ай қабақты, найза кірпік құдаша!

Өзгелердің құдашасын қайтейін –

Өз құдашам өзіме көп ұнаса!

Өлеңі – Нұрсұлтан Әлімқұловтікі

Әні – Шәмші Қалдаяқовтікі

Болсақтағы жаңа таныс,

Жүзек те алғаш қайықта.

Ұшқыр қиял кетті-ау алыс,

Бұйырмашы айыпқа.

 

Самал болар толғандырған,

Айдын шалқар көл бетін.

Сәулем, мені ойландырған,

Сенің жарқын келбетің.

ҚАЗАҚСТАН РЕСПУБЛИКАСЫНЫҢ

МЕМЛЕКЕТТІК ӘНҰРАНЫ

 

Өлеңі – Жұмекен Нәжімеденовтікі

Нұрсұлтан Назарбаевтікі

Әні – Шәмші Қалдаяқовтікі

 

Алтын күн аспаны,

Алтын дән даласы,

Ерліктің дастаны,

Еліме қарашы!

Ежелден ер деген,

Даңқымыз шықты ғой.

Намысын бермеген,

Қазағым мықты ғой!

 

               Қайырмасы:

 

Менің елім, менің елім,

Гүлің болып егілемін,

Жырың болып төгілемін, елім!

Туған жерім менің – Қазақстаным!

 

 

 Өлеңі – Исраил Сапарбаевтікі

Әні - Рамазан Таймановтікі

Мен қазақ қыздарына қайран қалам,

Жанары жаны жаздай жайраңдаған.

“Қыз өссе, елдің көркі” деген сөзді,

Қапысыз қалай айтқан қайран бабам.

 

Намысын бермеу үшін жатқа қолдан,

Арулар аз болды ма атқа қонған.

Көңілде қалған сыз бар өткен күннен...

Өмірде қалған із бар “Ақтабаннан”.