DataLife Engine - Softnews Media Group

Мен сенсіз

Мен сенсіз өмірімді елестете алмаймын мүлде, мүлде.

Екеуімізде таң мен түс, түнде бірге.

Жүрек сырын шертуден басқа адаммен,

Өңім түгіл, ойлауға жасқанам мен.

Мен мынау дүниенің келең кезі, асуларын,

Асулардан қиналсаң қасыңдамын.

Жүрегінен жаралайды ғашық жаным,

Махаббаттың әуелі жасыл бағын.

Мен сені сағынғанда

Мен сені сағынғанда,

Қарамай жауындарға, дауылдарға.

Қарсы қарап жүземін ағындарға,

Кеудемде қимылдаған жаным барда.

Мен сені сағынғанда,

Бір минутта қақым жоқ дамылдарға.

Сағыныштың сағымын жамылғанда,

Қарамай қара нөсер қағынғанға,

Саған ұшам, қалмайды сабыр жанда,

Мен сені сағынғанда, сағынғанда.

 Мен саған ризамын                                           Фариза Оңғарсынова

Дала күндерім үшін,

Дала түндерім үшін,

Серігі болғаның үшін,

Сенімі болғаның үшін,

Мен сені аялаймын.

Біреудің пасықтығынан,

Біреудің жасып мұңынан,

Махаббат таусылмайтын әңгіме

Тағдырыңды қатігез де, сараң де,

Сен сүйгенмен ол сүймесе шараң не.

Махаббат ол қос жүректің әні ғой,

Өзіне сай дауыс керек әр әнге.

Сүйіктім-ау әнсіз өмір мәнді ме,

Ән түзелсе түзетеміз сәнді де.

Жұбайлар бар әңгімесі таусылған,

Ал, Махаббат таусылмайтын әңгіме.

Құда елуге толғанда

Сыйласып, сіз-біз десіп, сыр алысар,

Бақыт қой құдаң болса құрақ ұшар.

Құйғытып елу деген бір ақ боз ат,

Астынан алты қырдың қылаңытар.

Өмірдің бастайтұғын көшін керуен,

Көзіңнен ізгіліктің отын көрем.

Бір сенің шаңыңа да ілесе алмас,

Талайлар менменсіген төсін көрген.

Сүрінбей келе жатсың талай сыннан,

Жарқылдап, ажарыңа арай тұнған.

Құданың сыйластығы мың жылдық деп,

Дана сөз қалай ғана дәл айтылған.

Армандар жетелейді тым алысқа,

Жүре бер ел-жұртыңа құрақ ұш та.

Шаңыраққа шалқыған шаттық келіп,

Басымыз қосылсын тек қуанышқа.

Құдажан,

Азаматтың тарланы едің,

Ақмаңдай арулардың арманы едің.

О, құда, туған күнің құтты болсын,

Тойлайық құшағында туған елдің.

Елуге толған досыма

Ұялаған көңіліңнің төріне күн,

Әр сөзі әзілменен өрілетін.

Досымның аңқылдаған, жарқылдаған,

Жүрегі аузын ашса көрінетін.

Шағың бұл күй боп шалқып төгілетін,

Еңсең тік,

Есен жеттің елуге еркін.

Ағайын дос-жараның мәре-сәре,

Қырансың орындаған ердің сертін.

Мейірім шуақ таптым бір өзіңнен,

Ізгілік шамын жақтың жүрегіңмен.

Бойыңа асыл қасиет ағыл-тегіл,

Өзіңе зор денсаулық тіледім мен!

***

Қыз қияда, ұл ұяда жарасқан,

Аудан біліп, аймақ сыйлап санасқан.

Аңсап күткен туған күнің тойлансын,

Алла жар боп, ашық болсын көк аспан!

Бір сыныпта бірге оқыған құрдасым,

Бала досым -  бауыр етім, сырласым.

Шыңғожада жақсы оқыдың, үлгілі,

Еңбегің зор – елге сыйлы бір басың.

50 жас

Қызмет етіп, жан аға, елге күнде,

Еңбегіңмен биікке өрледің бе.

Зор денсаулық, мол бақыт тілейміз біз

Ердің жасы - елуге келгеніңде.

Келіншек қырыққа толғанда

Кезің жоқ-ау кісі көңілін қайтарған,

Мінезіңе дос пейілі марқайған.

Қызыл гүлсің ел сүйсініп қызығар,

Бәйтерексің жапырағы жайқалған.

Үміт отын балаларға жағасың,

Отызға толдың

Артта қап балдырған шақ, балауса күн,

Отызың құшақ ашты – алау шағың.

Алатау аясында жүйрік мініп,

Жүйткіген күндеріңді көп аңсадың.

Туған күн,

Өткен дәурен түседі еске,

Жиырма бес

Жиырма бес деген – жалынды дәурен шырыны,

Жиырма бес деген – дүниенің дүрмек қызығы.

Бойдақтығың да қала алмас бойың тасалап,

Құрық боп түсер арудың бұлғақ бұрымы.

Жиырма бес деген – жөңкілген толқын, тәтті арман,