Сортировать статьи по: дате | популярности | посещаемости | комментариям | алфавиту
Информация к новости
  • Просмотров: 14314
  • Автор: janar
  • Дата: 22-01-2011, 18:06
22-01-2011, 18:06

Наурыз баталары

Категория: Бата-тілектер » Наурыз батасы

Наурыз келіп қар кетті,

Ақ қар, көк мұз жұтатқан

Шаруа елінен зар кетті.

Наурыз келіп жаз кірді,

Жаз періште «Әз» кірді

Күнеске тосып арқасын,

Жан біткенге наз кірді.

Арық-тұрақ төрт түлік,

Көк жеп жапа-тармағай

Қабырға жаппай қалмағай.

Көтеремнің төрт бұты,

Ербегей де сербегей

Енді шығын бермегей.

Бізге келген бәлекет –

Қармен бірге қаңғырып,

Таудан ары өрлегей,

Мұсылман бетін көрмегей.

 

Жарапазан батасы

Қонақтасын берекет,

Қаша берсін пәлекет.

Қиын дейді қиямет,

Жақын дейді ақырет.

Ақыретке барғанда,

Қыл көпірден аман өт!

 

Міне, бата, ақ ниет,

Бола берсін берекет.

Қиын дейді қиямет,

Жақын дейді ақырет,

Құлшылық қыл Аллаға,

Қыл көпірден таймай өт.

Кірсін дәулет,

Шықсын бейнет.

Алла атымен бейнет ет.

Жоқ-жітікке рақым ет.

Тәңір сені қолдасын,

Уайым-қайғы болмасын.

Қабыл болсын оразаң,

Әулетіңді оңдасын!

 

*****                                                Мұзафар Әлімбаев

Қарық қып құтты Наурыз,

Қазанға толсын сары уыз.

Қайнасын Наурыз көже де,

Толтырып ішкей кезеңе.

Ұлыстың ұлы күнінде,

Көппенен бірге күлімде.

Көбейсін жаңа достарың,

Молайсын елге қосқаның.

Жарасып көңіл хоштығы,

Бекісін халық достығы.

Ішінде жүрсе азғана,

Шайылсын өкпе, наз-нала.

Алдыға сыймай сәбилер,

Құшағын жайсын жаңа үйлер.

Жастардың самсап отауы,

Мейірім төксін Отаны.

Әспеттеп ата дәстүрін,

Әсем боп өссін жас буын.

Кірбің тартпасын кәрілер,

Барыңның дәмді нәрін бер!

Дүрлеген Қазақстанға

Таңғалсын дос та, дұшпан да!

******

                                                              Асанәлі Әшімов

Ұлыс күні құтты болсын,

Ақ кетпесін таңдайдан!

Ел іргесі мықты болсын,

Бақ кетпесін маңдайдан!

Аллаһу акпар!

******

                                                               Оразақын Асқар

Ниеттерің ақ болсын,

Наурыздың ақша қарындай.

Бастарыңа бақ қонсын,

Шашыңның барлық талындай.

Санасы өсіп адамның,

Көңілде кір қалмасын.

Құты қашып жаманның,

Жақсы тапсын жалғасын.                                                            

Тыныш болсын даламыз,

Түгел болсын нуымыз.

Таза болсын ауамыз,

Тұнық болсын суымыз.

Қатыгездік жоқ болсын,

Оралмасын кез өгей.

Кірісіміз көп болсын,

Бүгінгі Наурыз көжедей.

Аллаһу акпар!

*****

Ұлыс күні қазан толса,

Ол жылы ақ мол болар.

Ұлы кісіден бата алса,

Сонда олжалы жыл болар.

*****

Ұлыс оң болсын,

Ақ мол болсын.

Қайда барса жол болсын!

Ұлыс бақты болсын,

Төрт түлік ақты болсын!

Ұлыс береке берсін,

Бәлі-жала жерге енсін!

******

Жаңа жыл бақыт жылы болсын,

Малың тоқ,

Уайым-қайғы жоқ болсын.

Көген толы қозы,

Желі толы құлын болсын.

Малың базарлы,

Ұлың назарлы,

Қызың ажарлы болсын!

******

Әуелі, құдай оңдай көр,

Оң жолына бастай көр,

Адасса жолға сала көр,

Сүрінсе қолдан ала көр!

Кездессе шайтан қаға көр!

Жұлдыздармен жалғастыр,

Жақсылармен жанастыр,

Жамандардан адастыр!

*****

Бай қылсын,

Төрт түлік сай қылсын,

Кетпес дәулет берсін,

Отауыңа сәулет берсін.

Бастарыңа бақыт қонсын,

Қастарыңа нөкер толсын.

Дұшпандарың жоқ болсын.

Көре алмаған қаскөйдің,

Іші күйіп шоқ болсын.

Ризық, нәсібің тасып,

Көңілдерің тоқ болсын.

Туған балаларың ер жетіп,

Өсіп үлкен ел болсын,

Бақталасың кем болсын.

Дәулетің шалқып, сел болсын,

Дастарқаның кең болсын!

*******

Информация к новости
  • Просмотров: 5541
  • Автор: janar
  • Дата: 22-01-2011, 17:53
22-01-2011, 17:53

Қыз балаға бата

Категория: Бата-тілектер » Балаларға баталар

Талдай бой берсін,

Сұңғыла ой берсін,

Жаздай жамал берсін,

Қардай жанар берсін!

Анаға шуақ болсын,

Ағаға қуат болсын,

Нәзік жаны болсын,

Елінің ары болсын,

Басына өнердің бағы қонсын,

Ақ орданың шамы болсын!

Информация к новости
  • Просмотров: 11997
  • Автор: janar
  • Дата: 22-01-2011, 17:50
22-01-2011, 17:50

Ұл балаға бата

Категория: Бата-тілектер » Балаларға баталар

Жорытқанда, балам, жолың болсын,

Қалтаң байлыққа толсын,

Бір толмасын, жылда толсын,

Өмір жасың ұзақ болсын!

Қатарыңнан озған өрен бол,

Қыз көзіндей терең бол,

Сынай қалса – құлақ сал,

Мақтай қалса – керең бол!

Әумин!

***

Азамат болып ер жетсін,

Ақсақал болып төрлетсін,

Азамат болып көрікті,

Ғұмыры болсын берікті.

Азамат болсын ардақты,

Мінезі болсын салмақты,

Өнері болсын жан-жақты,

Осы айтқанның бәрі

Қабыл болып,

Алла берсін зор бақты!

Әумин!

******

Информация к новости
  • Просмотров: 2445
  • Автор: janar
  • Дата: 22-01-2011, 17:49
22-01-2011, 17:49

Ұл балаға бата

Категория: Бата-тілектер » Балаларға баталар

Жүсіптің дидарын берсін,

Ибраһимнің иманын берсін,

Пайғамбардың кеңдігін берсін,

Әзірет Әлінің ерлігін берсін!

Абылайдың байрағын берсін,

Батыр Бауыржанның айбарын берсін!

Еліне ырыс-құт орнасын,

Жеріне тыныштық орнасын!

Өсек-аянның құрбаны болмасын,

Озбырлардың шұлғауы болмасын!

Көлденең келер қазадан,

Жазықсыз төнер жазадан

Алла Тағала қорғасын,

Абыройын асырып қолдасын!

************


Информация к новости
  • Просмотров: 6428
  • Автор: janar
  • Дата: 22-01-2011, 17:43
22-01-2011, 17:43

Тұсау кесер батасы

Категория: Бата-тілектер » Балаларға баталар » Тұсау кесер баталары

Тұсауың кесілді, құлама,

Тізеңді жаралап жалама.

Құлындай құлдырап жүгірші,

Кәніки, өзіңді сына да.

Секірсең құздардан сүрінбе,

Шыңдарға шыққанда бүгілме.

Болаттай қабырғаң қатайып,

От ұшқын ойнасын түріңде,

Ұзақ боп ИншаАллаһ өмірің,

Тасысын шаттықтан көңілің.

Жарқырап күн санап өсе бер,

Жарқырап семсердей сенімің.

Әумин

Информация к новости
  • Просмотров: 4934
  • Автор: janar
  • Дата: 22-01-2011, 17:42
22-01-2011, 17:42

Бесікке салар батасы

Категория: Бата-тілектер » Балаларға баталар

Құтты болсын бесігің,

Артық болып несібің,

Дастарханың жайылып,

Ашық болсын есігің,

Өре берсін балалар,

Дұшпандарың болмасын,

Күншілдікпен табалар.

Алпамыстай тағы да,

Ұл артынан ұл тапқын.

Жарқыраған Шолпандай,

Қыз артынан қыз тапқын

Құтты болсын бүгінгі,

Шілдехана тойларың.

Тілектерің қабыл боп,

Орындалсын ойларың.

Әумин

Информация к новости
  • Просмотров: 1757
  • Автор: janar
  • Дата: 22-01-2011, 17:41
22-01-2011, 17:41

Сүндет батасы

Категория: Бата-тілектер » Балаларға баталар

Бисмиллаһир-рахманир-рахим

Мұсылман болдың, қарағым,

Кәне бері қарағын.

Шырағын жағар ұлысың,

Ата менен ананың.

Таудай болсын талабың,

Алтын менен күмістен,

Жасалсын барлық жарағың.

Көрімдігің мінеки,

Бар ма тағы қаларың?

Қой сұрасаң, қой берем,

Тай сұрасаң, тай берем,

Зат сұрасаң, зат берем.

Ат сұрасаң, ат берем.

Батырлығың байқалса.

Сауыт берем Ақберген.

Мұратыңа жете бер,

Күннен-күнге өсе бер,

Ұзақ болып өмірің,

Өміріңнің түйінін,

Өз қолыңмен шеше бер.

Әумин.

***********

Информация к новости
  • Просмотров: 3820
  • Автор: janar
  • Дата: 22-01-2011, 16:49
22-01-2011, 16:49

шілдехана тойына бата

Категория: Бата-тілектер » Балаларға баталар » Шілдехана баталары

Анасының аяулы

Жарып шыққан кемерін,

Қадам басып өмірге,

Жас шыбықтай бүр жарып,

Жаңа жайған желігін,

Торсық шеке, ақ маңдай,

Өсе берсін бөбегің.

Өмірі ұзақ болсын деп,

Көңілі нұрға толсын деп,

Ақ батамды беремін.

Азамат боп ер жетсін,

Қиын кезде жолдастан

Аямайтын көмегін.

Тойың тойға ұлассын,

Бола берсін дегенің!

Аллаһу ақпар!

 

Информация к новости
  • Просмотров: 1734
  • Автор: janar
  • Дата: 22-01-2011, 16:40
22-01-2011, 16:40

бата

Категория: Бата-тілектер » Баталар

Жас баланың күлкісін бер,

Жас ананың ұйқысын бер.

Жомарттың қолын бер,

Жорытқанның жолын бер.

Қыздың қылығын бер,

Судың тұнығын бер,

Асаудың арынын бер,

Түнгі оттың жарығын бер.

Асқар таудың паңдығын бер,

Бұлбұл құстың таңғы үнін бер.

Даланың жазықтығын бер,

Гүлдің нәзіктігін бер.

Теңіздің тереңдігін бер,

Қыранның көрегендігін бер.

Ердің көңілін бер,

Бүркіттің жігерін бер.

Лашынның жүрегін бер,

Нағыз достың тілегін бер.

Мәңгі-бақи ажырамас,

Шын ғашықтың тілегін бер!

Әумин!

Информация к новости
  • Просмотров: 5171
  • Автор: janar
  • Дата: 22-01-2011, 16:34
22-01-2011, 16:34

үй иесіне берілетін бата

Категория: Бата-тілектер » Дастархан бата

Жас баланың күлкісін бер,

Жас ананың ұйқысын бер.

Жомарттың қолын бер,

Жорытқанның жолын бер.

Қыздың қылығын бер,

Судың тұнығын бер,

Асаудың арынын бер,

Түнгі оттың жарығын бер.

Асқар таудың паңдығын бер,

Бұлбұл құстың таңғы үнін бер.

Даланың жазықтығын бер,

Гүлдің нәзіктігін бер.

Теңіздің тереңдігін бер,

Қыранның көрегендігін бер.

Ердің көңілін бер,

Бүркіттің жігерін бер.

Лашынның жүрегін бер,

Нағыз достың тілегін бер.

Мәңгі-бақи ажырамас,

Шын ғашықтың тілегін бер!

Әумин!

^