DataLife Engine - Softnews Media Group

Елу жасқа толыпсың анам бүгін,

Түрлендірсін ақ тілек өмір гүлін.

Құтты болсын дүниеге есік ашып,

Алғаш рет сәби боп келген күнің.

 

Орындалсын, анажан, басты арманың,

Жалындатсын нұрыңыз жастар жанын.

Ұлы тойға ұлассын туған күнің,

Жақсылыққа жайылып дастарханың.

 

Жеміс берсін тер төккен еңбегіңіз,

Бақыт болсын әрдайым көргеніңіз.

Жүзге жетіп баянды ғұмыр кешіп,

Арта берсін абырой беделіңіз.

********

Өмірінде күйбең тірлігін ойламай

ағайынның бірлігін ойлайтын,

Мал-мүлік, дүние жинамай

достың сырын тыңдайтын.

Дастарханы жиылмайтын,

Көк шәйнегі суымайтын,

Шаңырағынан немерелердің

Сыңғыры, шуы тыйылмайтын,

Апамыздың туған күні құтты болсын!

************

Халқымыздың ерлі-зайыпты қадірменді қариялары, он екі ұл мен қыз тәрбиелеп өсірген қамқор әке, аяулы ана, ардақты ата, асыл әжеміздің ғибратты ғұмыры кейінгілерге үлкен өнеге. Шаңырақтың үлгілі ісі, халқымыздың асыл қасиеттерін ардақ тұтқан өнегесі дәріптеуге әбден лайық. Әлде де ортамызда, қызық-қуанышымызды бөлісіп, немере-шөберелеріңді қызықтап, мейірімдеріңе бөлеп жүре беріңдерші!

************

Балалықтың дәурені артта қалып, бірің бой жеткен, екіншің бозбала атанған күндердің өткелінен де аттадыңдар. Жас отаудың керегесін кеңейтіп, босағасын берік, шаңырағын биік етсек, ата-аналарымыздың арманы мен мақсатын орындасақ деген ізгі ниетпен тағы бір өмір белесіне аяқ басып отырсыздар.

   Екеулеріңіз қол ұстасып, көңіл жарастырып отбасылық тірлік құруға бел байлағаннан кейін екі жаққа да мейірбанды, бір біріңе сыйлы болғандарыңызды, өскен өркендеген шаңыраққа айналуларыңызды тілейміз.

   Ең алдымен қалыңдыққа бір-біріңді қадірлей, азамат басын сыйлай біл десек, күйеу жігітке құлаққағыс етеріміз, сыңарыңды мәңгілік көктемнің гүліндей аяла, ертеңгі өмірге келер ұрпағымның анасы деп алақан жылуын, жүрегіңнің нұрын төк, демекпіз.

   Шығыстың даналығында; «Бұтағы көп ағашқа құс қонады», - дейді. Дос-жарандарыңның, ағайын-туыстарыңның алдында қадірлерің төмендемесін. Бақ-дәулеттерің, құт-берекелерің бастарыңнан жайылған дастархандарыңнан, тіккен отауларыңнан қашпасын!

*********

Қол ұстасып бастадыңдар жол басын,

Жүректерде үміт-арман жанғасын.

Ғашықтықтың сөндірмеңдер жалынын,

Махаббаттың Тәңірі бар...

                               Сол сендерді қолдасын! – деген

Жүректен шыққан тілегімізді арнадық.

 

   Жас отау иелеріне мықты денсаулық, жарастықты ғұмыр, баянды махаббат тілей отырып, шаңырақ шаттығына бөлене беріңіздер демекпіз.

*********

Құтты болсын неке қиған сәтті күн,

Екі жүрек бірге соққан тәтті күн.

Жаңа өмірге батыл қадам басыңдар,

Биік ұстап адалдықтың ақ туын.

 

Қос аққудай бір жүзіңдер көк көлде,

Қол ұстасып бір шығыңдар көк белге.

Жазылмасын жұптарыңыз мәңгілік,

Қос жұлдыз боп жарқыраңдар көктемде.

*********

Досымыз  ...................... келін түсіру тойымен құттықтаймыз! Жас жұбайларға жарасымды тұрмыс, ақ жол тілейміз!

 

Осылай өркен жайсын гүлдеріміз,

Сендермен енді біздер іргеліміз.

Берік боп жас шаңырақ нұрға толып,

Той болып өтсін алғы күндеріміз!

 

Тату болып ............ пен ......... ымыз,

Жаңғырып махабатты жылдарымыз.

Жалғасып өсе бергей ұрпағымыз,

Бақ сыйлап қыздарымыз, ұлдарымыз.

***********

Махаббаттың көгіне самғағандай,

Екі жасты Алла өзі қолдағандай.

......... пен ............ бүгін отау тікті,

Екі ауылдың арасын жалғағандай.

 

Болсын деп екі жастың жолы ізгі,

Тартайық тарту етіп барымызды.

Жас келін аулымызға құт боп қонып,

Шаттыққа бөлей берсін бәрімізді.

***********

Отбасының ұйытқысы,

Қайын атаң мен қайын енең.

Сыйлап жүрсең оларды,

Кем болмайсың ешкімнен.

Қайын енеңді күт келін,

Бағады ол балаңды.

Енеңнің күші өлшеусіз,

Демеушің ғой табанды.

Қайраты кетсе бойынан,

Түртпектей берме панаңды.

Мендетеді кәрілік,

Қайтсе-дағы адамды.

Тату бол кайын анаңмен,

Ойлан, қара санаңмен.

Жасы ұлғайған кіріңді,

Сыйла барлық балаңмен.

Қайын атаң мен енеңді,

Болма келін сөгетін.

Еңкейіп кетті демесе,

Жәрдемі бар беретін.

Шақырма ашу қарттарға,

Өзің де сондай боласың.

Ойла келін артыңды,

Сөз ұғатын баласың,

Сіздерге бұл өсиет,

Қожаберген бабаңнан.

Өнеге алма тірлікте,

Шайпау менен наданнан.

*************

Қос жүрек бірге соғып тыныстады,

Баршаға бақыт әнін жар қыламыз.

Достарды, жора-жолдас туыстарды

Махаббат думанына шақырамыз.

************

   Құрметті, Ұстазым! Сізді бәріміздің қамқоршымыз, шәкірттеріңіздің жылы жүректі ұстазы болғаныңызды мақтан етеміз!

   Көп жылдар бойы ақырын жүріп, анық басқан ұстаз болуыңызбен бірге, бізді сабырлы мінезбен, салиқалы салмақты ақылыңызбен тәрбиеледіңіз,  әрқайсымыздың өмірді өз орнымызды табуымыз үшін берген ақыл-кеңестеріңізге, бізді ел қатарына қосқаныңызға мың да бір рахмет айтып, шәкірттік ықыласымызды білдіргіміз келеді. Үлкен биікке қол жеткізуімізге, кісілікке, адамгершілікке тәрбиелегеніңіз үшін біз сізге әрқашан қарыздармыз.

   Қоғамның әрбір жаңалығын жылы қабылдап шәкірттердің бойына жеткізе білгеніңізбен қатар, бойыңыздағы бар жинап-терген біліміңізді оқушылардың санасына сапалы етіп сіңіре білдіңіз, балаларыңыздың білімді, парасатты болып шығуын мақсат еттіңіз. Ол арманыңыз өзіңіздің ерен еңбегіңіздің арқасында орындалды. Біз соған шын жүректен қуанамыз. Сізге әлі де шығармашылық жұмыстың жемісін жеп, біздің қызығымызға кенеле берсін деп тілейміз.

**********

Ата-анам, тойларыңыз құтты болсын,

Әрдайым жазылмасын жұптарыңыз.

Бақытты да қызықты өмір сүріп,

Тойлансын тойларыңыз әр жыл сайын.

 

Құтты белес ата-ана – «Ақ алтын тойларыңыз»

Орындалсын қашанда жарқын ойларыңыз.

Жүзге жетіп, шөберенің қызығын көр,

Балаларыңыздың ақ тілегі қабыл болсын.

 

   Тамырын тереңге жайған бәйтеректей бәрімізге сая бола білген ата-анамызды осы қуаныштарымен шын жүректен құттықтай отырып, оларға зор денсаулық, бақытты ғұмыр, өмірдің шапағаты мен шуағына кенеліп, арамызда аман-сау жүре берулеріңе тілектестік білдіреміз!

*************

Біздер үшін Сіз отырған төр қызық,

Соңыңыздан бәрімізді ергізіп.

Жүзден асып, жасай бер деп тілейміз,

Немерелер, шөберелер өргізіп.

************

Жұбан Молдағалиев

Келгендей жаз оралып,күздер өтіп,

Келмейсің неге, жастық, жүзден өтіп?

Кім саған, о жиырма бес, наз айтпады,

«Таптың»,- деп,- не мархабат бізден өтіп?!».

 

Білмеймін, таптың ба сен, таппадың ба,

Көп болды жүрмегелі қапталыма.

«Қош» айтып ақырғы рет қалып едің

Бір түні бізге мәлім қақпа алдында....