DataLife Engine - Softnews Media Group

 Аяз ата

 Ақ таяғын таянып,

Таңмен бірге оянып.

Аяз ата келіп тұр,

Ақ күпіге оранып.

 

Қайырмасы:

Ал балалар, тұрмайық

Би билейік, ойнайық

Аяз ата қуансын

Дөңгеленіп зырлайық.

 *************

Қыс қызығы

Аппақ көше бар бала,

Аппақ ойлар, қыраттар.

Ақ шатырлы қырқалар

Ақ жамылып тұр бақтар.

 

Қайырмасы:

         Шаңғы, шана сайла

         Конькиіңді байла

         Думандатып ойна

        Қыс қызығын тойла.

 ************

Зырлайды шанамыз

 Аязды келіп қыс

Алғашқы қар ұшты

Аппақ боп үстіміз

Ақ қырау жабысты.

 ***********

Аппақ, аппақ, жапалақтап

Қар жауады тынбастан

Қалың орман қар жамылған

Маужырайды түнгі аспан.

   

        Қайырмасы:

Кел билейік, үйренейік

Ол келгенше жаңа жыр.

Құтты болсын, құтты болсын,

Құтты болсын жаңа жыл.

***********

Әні Заттыбек  Көпбосынұлынікі

Сен қосылып немерем,

Кеңейді ғой керегем.

Әттең қолдан келмейді,

Айды алып берер ем, берер ем.

 

Қайырмасы:

Саған терді төгер ем,

Бар нәрсемді берер ем.

Оның бәрі аз десең,

Жан беруге көнер ем,

Сен аман бол немерем!

Белгісі той қылғанның отау жабар,

Қиқу сап жас балалар атқа шабар.

Той қылған қыз әкесі мырза болса,

Жігітке той бастаған шапан жабар.

 

Қайырмасы:

 

Ақсай десең жеріміз,

Кең жайлаған жеріміз.

Үйрек ұшып, қаз қонған,

Дария шалқар көліміз.

 

Дегенде той қылған қыз, той қылған қыз,

 Сөзі мен әні А.Дүйсеновтікі.

Киесі де,

иесі де мынау дархан даланың –

Сендерсіңдер,

күйін  шертіп, айт өлеңін, сал әнін.

Дүниенің шымылдығын

ән сап тұрып ашатын,

Мұндай халық жоқ әлемде

шуақтан нұр шашатын.

 

Даласы – анау,

Данасы – анау ошақ көрген, от көрген,

Тәй-тәй басса,

қырдан асса той – думан ғылып өткерген.

Бөліп жеген бір үзім нан,

көжесін де бөле ішкен,

Қызығын да,

қайғысын да, ән-күйменен бөліскен.

 

Қайырмасы:

 

Көк жиектен күн ассын,

Қызғалдағың гүл ашсын.

Айналайын ағайын,

Тойың тойға ұлассын.

*************

Қара жорға

Әні халықтікі

өлеңін жазған М.Тұрдақын, С.Қалиев

«Қара жорға» болмаса,

Бидің сәні келе ме?

Бүрмелі көйлек кимесе,

Қыздың сәні келе ме?

Қозсын барлық делебе,

Қан тарасын денеге.

Қара жорға болмаса,

Тойдың сәні келе ме?

«Қара жорға» - «Сап күрең»

 

 

Өлеңі мен әні Мұхтар Шахановтікі

Тойыңа гүл алып,

Келіп ем қуанып,

Қарсы алдың күлімдеп, көктемдей.

Жүзіңе нұр толып,

Кетіпсің құлпырып,

Бір бақыт сәулесін сепкендей.

             

Қайырмасы:

 

Сен туған күн мерекеміз,

Ән бастайық, кел екеуміз.

Ұмытпа сен, құрбым,

Есте қалсын, мәңгі бұл күн.            2 рет

 

 әні С.Бәйтерековтікі

сөзі Т.Молдағалиевтікі

Іздегенде табылатын қасыңнан,

Көңілі бар қызғалдақтай ашылған.

Көріспесек сағыныштан жүдейтін,

Кім бар жақын бала күнгі досыңнан.

 

Қайырмасы:

 

Жан досым,

Үстем болсын мерейің,

Әрқашан жеңісіңді көрейін,

Сырымыз да бітпесін,

Жырымыз да бітпесін.

***********

әні Т.Сарыбаевтікі

сөзі М.Мақатаевтікі

Наурыз айы туғанда,

Той болушы еді бұл маңда.

Сақталушы еді сыбаға,

Сапарға кеткен ұлдарға,

Наурыз айы туғанда.

Все мы знаем свадебный обычай Құйрық бауыр асату и прекрасную песню Еркем еркем еркем ай
Еркелеген еркем ай
Еркелеген еркемді
Еркелетсем бе екен ай

Метки к статье: құйрық бауыр асату, үйлену той

 

АРНАУ

 

 

Арықтан су ағады шыр айналып,

Нәсіптіге мал бітер бір айналып.

Жастығыңның шағында ойна да күл,

Кім бар кім жоқ келгенше қайта айналып.

 

Қайырмасы:        Құдажан жорытқанда жол болсын,

                              Құдағи дастарханың мол болсын.

                              Алланың шапағаты тие берсін,

                              Бізден тілек сол болсын.

 

Тал мен қайың жарасар тал мен қайың,

Денсаулықта кім ойлар ауру жайын.

Осы отырған қызықты ойын-тойда,

Көмейден ағызайын тілдің майын.

 

Қайырмасы

 

Құда жаңа, болды енді туыс жаңа,

Сыңғырлайды шырқасам үнім дара.

Мұнда айтпаған өлеңді қайда айтамыз,

Шырқайықшы іркілмей осы арада.

 

Қайырмасы