DataLife Engine - Softnews Media Group

әні Ескендір Хасанғалиевтікі

сөзі Бәкір Тәжібаевтікі

Сапар шексем алысқа,

Сен жанымнан қалмайсың.

Қиындықта қалыспай,

Қиялымды жалғайсың.

Мол бақыттың жайын да,

Сырласумен айта алдық.

Қарағай мен қайыңдай,

Қатар тұрып жайқалдық.

Қайырмасы:

Сәулем, сәулем, сәулем,

Кір шалмаған арымсың.

Сезімдегі жалынсың,

Басымдағы бағымсың.

әні Ескендір Хасанғалиевтікі

сөзі Бәкір Тәжібаевтікі

Бұлбұл құс туған жерден гүл іздейді,

Күдерін құштарынан бір үзбейді.

Келесің гүл боп, еркем, көз алдыма,

Өзіңді мен іздемей кім іздейді!

Арына махаббаттың шырай керек,

Шын сүйген азабына шыдайды көп.

Ән айттым, арнап саған ұнай ма деп,

Әдемі-ау, мені сүйсең мұңайма тек.

Қайырмасы:

Арманымның нұры,

Ақындықтың сыры,

Жүрегімнің жыры, Әдемі-ау.

әні Ескендір Хасанғалиевтікі

сөзі Тұрсынай Оразбаеванікі

Өмірге тағдыр айдап,

Кездестім өзіңменен.

Кезім боп бал-бұл жайнап,

Қайғы-мұң сезілмеген.

Қайырмасы:

Тұңғиық көзіңдегі,

Бөлендім шапағатқа.

Бұл нәзік сезім бе еді,

Бұл әлде махаббат па?!

әні Ескендір Хасанғалиевтікі

сөзі Бәкір Тәжібаевтікі

Қиялымды көкке өрлеткен,

Елігімді көктем еткен.

Елігімсің - еркем менің,

Хабарыңды көптен күткем!

Қайырмасы:

Жан дауасы сенен деймін!

Сенсіз күйге бөленбеймін.

Бір сәлемің жетер-ау деп,

Елігім-ау, елеңдеймін.

әні мен сөзі Илья Жақановтікі

Алаулап күн батса қырды асып,

Кетуші ек, қалқатай сырласып.

Ұмытсам сол күнді, сол күнді кеш мені,

Есте ғой, дариға, Жайлаукөл кештері.

әні мен сөзі Илья Жақановтікі

Самалы жұпар жазғы бір кеште,

Ойласам болды Ыстықкөл жақты.

Айтылған сырлар түседі еске,

Оятқан сонда ақ махаббатым.

Қайырмасы:

Тулайды жүрек,

Толқындай шалқып.

Аңсайды жүрек,

Өзіңе тартып.

Сағынтқан әнім,

Әселім жаным.

әні Әсет Бейсеуовтікі

сөзі Оспанхан Әубәкіровтікі

Жаз гүліндей назың қайда,

Неге, жаным, мұңайдың?

Мен сүйетін әзіл қайда,

Жадырашы шырайлым.

Қайырмасы:

Жаралғандай сағыныштан,

Қайда сенің жақсы әнің.

Жүрегіңді жарып ұшқан,

Дауысыңды аңсадым.

әні Әсет Бейсеуов

сөзі Нұрсұлтан Әлімқұловтікі

Теңіз болып толқыдың да шалқыдың,

Айдынында шағала боп қалқыдың.

Гүлім болып жайнап өскен жайлауда,

Самал болып аймаладың, алтыным,алтыным.

әні Әсет Бесеуовтікі

сөзі Нұрсұлтан Әлімқұловтікі

Бір ауылдың түлеп ұшқан жастары едік,

Бір дәуірдің мөлдіреген аспаны едік.

Бәрімізде жазылмаған дастан едік,

Армандастар құрдастар.

Қайырмасы:

Бір дәуірдің мөлдіреген аспаны едік,

Бәріміз бір өмір жолын бастап едік.

Армандастар қайда?

Абзал достар қайда?

Замандастар, қарлығаштар қайда екен?

әні Шәмші Қалдаяқовтікі

сөзі Мұхтар Шахановтікі

Жадырап жанымыз,

Жарасып әніміз.

Болашақ бүгіннен басталғандай.

Нұр құйып көңілге,

Жол сілтеп өмірге,

Арман тұр асқақтап асқар таудай.

Қайырмасы:

А-а-ай, а-а-ай,

Қуаныш көрем көзіңнен.

Өзіңмен, жан құрбым,

Қосылды тағдырым,

Қосылған қоы өзен секілденіп.