DataLife Engine - Softnews Media Group

Қазағымның күйлері-ай!

әні мен сөзі Бәкір Тәжібаевтікі

Күндіз-түні бір тынбай,

Дала кезген шапқылап.

Құмар едім өзіңе,

Бала кезден, Ақбұлақ.

Әнге бөлеп маңайды,

Асып-тасып жатасың.

Ақ моншақтан аспанға,

Шашу шашып жатасың.

Қайырмасы:

Сенің келіп жағаңнан,

Анам талай су алған.

Сенің келіп жағаңнан,

әні Теміржан Базарбаевтікі

сөзі Жәбірайыл Бейсеновтікі

Кіндігімнің жас қаны,

Тамған жерім ауылым.

Шабытымның асқары,

Самғаушы еді ауылым.

Жастығымның куәсі,

Шұрқыраған ауылым.

әні Ескендір Хасанғалиевтікі

сөзі Бәкір Тәжібаевтікі

Тіршілікте айнымасқа тағдыр қосқан,

Құс едің ғой, кең далаға бауыр басқан.

Аяздардан тоңбайсың ба, бозторғайыым,

Жылы ұяңа қонбайсың ба, бозторғайым!

Қайырмасы:

Даланы мен де,

Сүйемін сендей,

Бауырмал, құсым!

әні Ескендір Хасанғалиевтікі

сөзі Абдрахман Асылбековтікі

Айтшы, жаным қайда жүрсің, қайда?

Шақырады арман ару - май да.

Қызғалдақты көктемім боп жайна,

                                              аңсағаным.

Өзің деп білем -

Өмірімнің гүлі,

Асқарымда.

Өзің деп білем -

Көңілімнің күні,

Аспанымда.

әні Ескендір Хасанғалиевтікі

сөзі Бәкір Тәжібаевтікі

Сапар шексем алысқа,

Сен жанымнан қалмайсың.

Қиындықта қалыспай,

Қиялымды жалғайсың.

Мол бақыттың жайын да,

Сырласумен айта алдық.

Қарағай мен қайыңдай,

Қатар тұрып жайқалдық.

Қайырмасы:

Сәулем, сәулем, сәулем,

Кір шалмаған арымсың.

Сезімдегі жалынсың,

Басымдағы бағымсың.

әні Ескендір Хасанғалиевтікі

сөзі Бәкір Тәжібаевтікі

Бұлбұл құс туған жерден гүл іздейді,

Күдерін құштарынан бір үзбейді.

Келесің гүл боп, еркем, көз алдыма,

Өзіңді мен іздемей кім іздейді!

Арына махаббаттың шырай керек,

Шын сүйген азабына шыдайды көп.

Ән айттым, арнап саған ұнай ма деп,

Әдемі-ау, мені сүйсең мұңайма тек.

Қайырмасы:

Арманымның нұры,

Ақындықтың сыры,

Жүрегімнің жыры, Әдемі-ау.

әні Ескендір Хасанғалиевтікі

сөзі Тұрсынай Оразбаеванікі

Өмірге тағдыр айдап,

Кездестім өзіңменен.

Кезім боп бал-бұл жайнап,

Қайғы-мұң сезілмеген.

Қайырмасы:

Тұңғиық көзіңдегі,

Бөлендім шапағатқа.

Бұл нәзік сезім бе еді,

Бұл әлде махаббат па?!

әні Ескендір Хасанғалиевтікі

сөзі Бәкір Тәжібаевтікі

Қиялымды көкке өрлеткен,

Елігімді көктем еткен.

Елігімсің - еркем менің,

Хабарыңды көптен күткем!

Қайырмасы:

Жан дауасы сенен деймін!

Сенсіз күйге бөленбеймін.

Бір сәлемің жетер-ау деп,

Елігім-ау, елеңдеймін.

әні мен сөзі Илья Жақановтікі

Алаулап күн батса қырды асып,

Кетуші ек, қалқатай сырласып.

Ұмытсам сол күнді, сол күнді кеш мені,

Есте ғой, дариға, Жайлаукөл кештері.