Арман жырым – Аруларым Өлеңін жазған - Ж.Баязитов
Әнін жазған – К.Нұрғазин
Қыздарға әсемдік жарасады,
Ай көркі биіктетер аласаны.
Болмаса сұлу қыз, ару әйел,
Табынып ер кімдермен таласады.
Өрімтал, көркем, сұлу мүсін,
Көргенде қайран қап, күюің шын.
Мың ақын жырласа тіл жетпейтін,
Бұл қыздар жаралған тек сүю үшін.
Қана алмас құмарың қарасаң да,
Сұлуға ынтық сұңғақ, аласаң да.
Жердегі аруға жетер емес,
Аспанның мың жұлдызын баласаң да.
Жүздірер жүректі нұрлы үмітке,
Басыңа қоятын мұңды үйіп те.
Қиял жұмбақтан жаратылған,
Қыз ару қалар мәңгі бұл биікте.
Шалқытып шаңырағын тамашаның,
Бақытын от басының жар ашады.
Тірліктің туы, мәні ұрпақ деген,
Аруға ана болу жарасады.
Көктегі Ай, Күндей дара тұлға,
Қыз десе дүние, дала тынған.
Қазақтың намысы ару қыздар,
Мәңгі өлмес арман жырдан жаратылған.
******
Мы рекомендуем Вам зарегистрироваться либо войти на сайт под своим именем.
Для зарегистрированных пользователей реклама отключена.
