Қазіргі өмір бұрынғыдан естірек,
Аяласын, әлдилесін деп білед.
Алдарыңда әлде қандай өмір бар,
Қысылғанда бірге соқсын қос жүрек.
Ал, бауырым, құтты болсын қадамың,
Бастағаның есік ашып жаңа өмір.
Ыстығы да, суығы да кезігер,
Қиын сәтте бір-біріңді сыйлай біл.
Ал, келінім, өзіңе айтар тілегім -
Жаңа көктеп келе жатқан сен бір гүл.
Мәңгі солай бүршік жарып гүлдей бер,
Бір-біріңе адал болып жүрегің.
Айтарым Мирхат пен Маржаныма -
Көсіл деген қарап өз заманыңа.
Қиын сәтте бір-біріңді кешіре біл,
Шыны-аяқ сылдырламай тұрмас, сірә.
Аяулы алақанның аяулысы,
Қадірлей біл қондырған бақ құсыңды.
Ақылдасып шешімін өздерің шеш,
Алдарыңда болатын талай істі.
Осы қызық көрем деген армандары,
Тағдыр бірақ көруге жазбағаны.
Жылы лебіз, ыстық құшақ естен кетпес,
Марқұмдардың ақыл ғып айтқан сөзі.
Ағайын тату болса ат көп деген,
Абысын тату болса ас көп деген.
Арнаған сыйлықтарын берем дейді,
Қарындас, келін, апай, жеңгелерің.
Ал тілерім бәріңе: бақытты өмір,
Қуаныш келе берсін ағыл-тегіл.
Бала деген бақыт бар барлығыңда
Қыз ұзатып, барлығың да келін түсір.
*************
Мы рекомендуем Вам зарегистрироваться либо войти на сайт под своим именем.
Для зарегистрированных пользователей реклама отключена.
