Қыран құстай қырағы әкем,
Бәйтерек тектес шынарым, әкем!
Елу бес жаста да еңселі кеуде
Мақтаныш етер ұраным,әкем!
Тұлпардай болшы,қартайма,әке,
Сұңқардай болшы,шалқайма,әке.
Шаңырақ шаттық кереге болып,
Көңілің түсіп,ортайма,әке!
Ел сыйлаған азаматсың ардақты,
Сөз саптаған ел ұйыған салмақты.
Ат үстінде өткізумен өмірді
Елу бес жас та бүгін сені таңдапты.
Таудай биік тұлғаң әлі нар болсын,
Ұл-қызыңмен өмір толы сән болсын!
Елің үшін еткен еңбек еленіп,
Әрқашан да АЛЛАМ саған жар болсын!
Ел сүйетін азаматсың ардақты,
Бақыт сені ең алдымен таңдапты.
Отбасы мен елге адал іс қылып,
Елу бес жасқа жеттің салмақты.
Жұмысыңның жемістері көп болсын,
Елің тыныш,көңілің тек тоқ болсын.
Денсаулығың мықты болып,мың жаса
Ел дегенде жүрегіңде от болсын!
Өзіңе қарап өсіп біз де келеміз,
Алып сенсің, біздер ерген кемеміз.
Үлгі болар әр айтқан сөз ой толып
Сенен ғана бар биікті көреміз!
Мызғымайтын денсаулықты тілеймін!
О,Жаратқан,әкемізге бақ жиғыз,
Анамызбен қол ұстасып әрқашан!
55 деген алып тауға жеттіңіз,
Сайрап жатыр артыңызда соқпақ жол.
Небір асу белден батыл өттіңіз,
Шықса да алдан шырмауы коп томпақ тор.
Барлык әке сіздей болсын бола алса,
Биік шыңға барып қонсын қона алса.
Бар биікті бағындырған,әкежан,
Өмір-базар, қала көрме оңаша.
Мы рекомендуем Вам зарегистрироваться либо войти на сайт под своим именем.
Для зарегистрированных пользователей реклама отключена.
