ЖМИ НИЖЕ ССЫЛКУ, ЧТОБ УВИДЕТЬ ВЕСЬ ТЕКСТ ПОЗДРАВЛЕНИЙ!
Құрметті меркіліктер!
Сіздерді 1-желтоқсан - Тұңғыш Президент күнімен шын жүректен құттықтаймын!
Биыл қазақстандықтар алғашқы рет мемлекеттік мереке - Тұңғыш Президент күнін атап өтіп отыр. Бұл орынды да. Себебі, 1991 жылғы 1-желтоқсанда тарихымызда тұңғыш рет өткен жалпыхалықтық сайлауда қазақстандықтар өз еркімен Қазақстан Президентін сайлады. Еліміз егемендік алып, дамудың жаңа жолын таңдады. Елбасы Нұрсұлтан Әбішұлы Назарбаевтың салиқалы басшылығымен халқымыз Тәуелсіздік Туын биікке көтерді. Ата Заңымызды, Рәміздерімізді және басқа да рухани құндылықтарымызды қастерлей отырып, өміріміздің сан саласын дамыту, жас мемлекетіміздің абыройын асқақтату жолында тамаша бастамалар өмірге келді.
Тұңғыш Президент күнін ерекшелігі сонда, ол - қазақ халқының мемлекет болып қалыптасуының маңызды кезеңін айқындайды. Өйткені, президенттік басқару формасы мен тәуелсіздіктің жиырма жылдық тәжірибесі біздің ел үшін осы басқару формасының тиімді болып, ішкі және сыртқы саясаттың негізгі бағыттарын анықтауға мүмкіндік берді.
Тұңғыш Президент - Елбасы Н.Ә.Назарбаевтың көрегендік саясатының арқасында тәуелсіз Қазақстан Орталық Азия өңіріндегі, ТМД-дағы алдыңғы орынға шықты. Мемлекет басшысының жүргізіп отырған салиқалы ішкі және сыртқы саясаты әлеуметтік-бағдарлы экономикасы бар заманауи, қарқынды дамушы мемлекет құруды қамтамасыз етті.
15 жыл бұрын Президентіміз ел дамуының даңғыл жолын байыптайтын ұзақ мерзімді «Қазақстан-2030» стратегиялық бағдарламасын ұсынғаны баршаға мәлім. Салмақты құжатта өткен күндер бағамдалып, болашақ еншісіндегі іргелі істер межеленді. Бүгінде өрелі бағдарламаның берері мол екеніне елдің көзі жетті. Сонау 1997 жылы бағдарламаны жария еткенде Елбасымыз: «Біз нені құрғымыз келеді, таңдаған мақсатымызға жеткізетін дамуымыздың траекториясы, магистралі қандай болуы тиіс, соны анық білуіміз және айқын түсінуіміз керек» - деген еді. Елбасының айтқаны айнымай келді. Содан бері Қазақстан халқы Президенттің басшылығымен еліміздің гүлденуі үшін еңбек етіп, күш-жігеріне сүйене, алға адымдап қадам басуда.
Елбасы ортақ Отанымыз - Қазақстанды дамыту жолында елдегі тұрақтылық пен бейбітшілікті басшылыққа алды.Тәуелсіздікке жиырма жыл толмай жатып-ақ елімізді Еуропа төріне шығарып берген Елбасымыз Нұрсұлтан Назарбаевтың еңбегі ерен. Бүгінде Қазақстан Еуразия кеңістігінде стратегиялық қуаты күшті, маңызы үлкен мемлекеттер ретінде мойындалып отыр. Дәлірек айтар болсақ, Қазақстан Республикасының жетiстiктерi мен экономикалық толымдылығы, халықаралық беделiнiң нышаны ретiнде - Азиада жалауының біздің елде желбіреуі, әлемдiк қауымдастық мойындаған Қазақстанның ЕҚЫҰ-ға төрағалық етуі және ЕҚЫҰ Саммитінің Елордамыз - Астанада өтуі, сондай-ақ, Ислам ынтымақтастығы ұйымы мен Шанхай Ынтымақтастық ұйымдарына төрағалығы мәселелерi бойынша салалық халықаралық ғылыми-практикалық конференцияларда жетекші рөл атқаруы - бәрі де біз үшін үлкен мақтаныш, үлкен абырой. Кеше ғана Парижде өтіп жатқан ЕХРО Халықаралық бюросы Бас Ассамблеясының 152-сессиясынан тамаша хабар келіп жетті.Онда әлемнің 161 елінің жасырын дауыс беру қорытындылары бойынша Астана қаласы ЕХРО-2017 көрмесінің иесі атанды. Осынау тамаша табыстардың бастаушысы да, ұйытқысы да Тұңғыш Президентіміз.
Қазіргі таңда еліміз дамудың жаңа тарихи кезеңіне аяқ басты. Себебі, өткен екі онжылдықта қол жеткізген жетістіктер Қазақстанның болашағын жаңаша межелеуге мүмкіндік беріп отыр. Келесі кезеңде, яғни, 2030 жылға дейін экономикалық саясат негізіне инновациялық экономика алынады. Осылайша, халқымыздың өмір сүру сапасы орташа еуропалық деңгейге сәйкес болмақ. Міне, XXI ғасырға Қазақстан халқының, Ұлт Көшбасшысының межелеген мақсаттары осындай.
Құрметті меркіліктер!
1-желтоқсан - Тұңғыш Президент күні құтты болсын!
Н.Ә.Назарбаевтың ел игілігі жолындағы тамаша бастамаларын жүзеге асыруға үлесімізді қосып, алға қойған мақсаттарға қол жеткізейік!
Еліміз аман, жұртымыз тыныш болсын!
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Для зарегистрированных пользователей реклама отключена.
Мы рекомендуем Вам зарегистрироваться либо войти на сайт под своим именем.
Для зарегистрированных пользователей реклама отключена.
