DataLife Engine - Softnews Media Group

ЖМИ НИЖЕ ССЫЛКУ, ЧТОБ УВИДЕТЬ ВЕСЬ ТЕКСТ ПОЗДРАВЛЕНИЙ!

Құрметті Фармацевтика академиясының түлектері!

 

Сіздер біздің республикалық медицинамыз үшін маман даярлайтын оқу орнын бітіргелі отырсыздар. Бұл қуанышты күнмен Сіздерді шын жүректен құттықтаймын.

Елбасымыз Нұрсұлтан Әбішұлы Назарбаев Қазақстан халқына Жолдауында денсаулық сақтау саласы үшін біліктілігі жоғары мамандарды даярлау, халықтың сапалы медициналық көмекке, дәрі-дәрмектерге қол жеткізуін қамтамасыз ету туралы айтып, тапсырма берген болатын. Қазіргі кезде бұл міндеттерді орындауда көптеген жұмыстар атқарылуда. Солардың ішінде медициналық және фармацевтикалық білім берудің нормативтік құқықтық базасы жетілдіріліп, әлемдік тәжірибеге негізделген білім берудегі жаңа бағдарламалар іске асырылып келеді, диагностика мен емдеу ісінде озық инновациялық технологиялар қолданылуда. Биылғы жылдан бастап Бірыңғай ұлттық денсаулық сақтау жүйесі енгізіліп, іске асырылуда. Медицина қызметкерлерінің біліктілігін арттыруға, олардың еңбекақысын ұлғайту мәселелеріне, жұмыс орнында тиісті жағдайлар жасауға және тағы басқа мәселелерге көп көңіл бөлінеді.

Денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасында денсаулық сақтау жүйесінің ойдағыдай болуы үшін кадрлар әлеуетін дамыту, халықаралық стандартқа сай мамандарды даярлау, емдеудің тиімді тәсілдерін қолдану және басқа мақсаттар көзделіп, іске асырылмақ.

Медицина қызметкерінің қоғамдағы беделін арттыру – бәрімізге ортақ міндет. Сондықтан кәсіпқойлық, еңбексүйгіштік, таңдаған іске адал қызмет ету арқасында елімідің абыройлы азаматтары болыңыздар.

Сіздерді осы мерекемен құттықтай отырып, зор денсаулық, отбасыларыңызға береке-бақыт тілеймін! Жолдарың ақ, жұмыстарыңыз жемісті болсын, барлық тілектер мен мақсаттарыңыз орындалсын!