60 жасқа тілектер

Бір жылда бірге туған, асыл досым,

Тойлатар алпыс жасың құтты болсын!

Кең пейілді құрдасым, Кенғазым-ай,

Ұлдарың Дәнияр, Әйтей аман болсын!

 

Отыз жыл бірге жүрсең, бағаланар,

Достың да, достары бар дараналар.

Немерең өсіп, өнсін, шөбере сүй,

Сабақтасса ұрпағың, бағың жанар.

********

Әппақ арын ешқашан кірлетпеген,

Көркемдігі тең келген суретпенен.

Туған-туыс, дос-жаран, әріптестер,

Ардақтайды өзіңді құрметпенен.

 

Еңбек жолың татиды сан аңызға,

Саған қарап күлімдеп қаламыз да.

Отбасында бақытты ғұмыр кешіп,

Аман-есен жүре бер арамызда.

 

Зейнеткерлік жасқа кеп шаттанасың,

Әлі талай шыңдардан бақ табасың.

Шын жүректен бәріміз құттықтаймыз,

Көш керуенің ешқашан тоқтамасын! 

*****

Алатау шыңдары мен Қаратау тастарына

Көз түсті жеткеннен соң алпыстың асқарына...

Ақ бояу самай менен, бақ сыйлап бастарыма.

Жетпістің жотасына жетпеген жаста мына

Жаудырам алғысымды көрші мен достарыма,

Ұл-қызым, немере мен шөбере – жастарыма!

*****