Главная > Әкеме > Әкеге тілек/сайтқа қосқан Элла Миллер
Әкеге тілек/сайтқа қосқан Элла Миллер28-01-2016, 22:47. Разместил: janar |
|
Әке! Сіз – теңіздің бастауы бұлақсыз, Біз – көлдің сәні құрақпыз. Сіз – сөздің басы сұрақсыз, Біз – өміріңіздің байлауы, соңыңыздағы тұрақпыз. Сіз – таудың шыңысыз, Әке! Біз – сіз еккен баудың гүліміз. Кілеміңіздің өрнегі сынды ұл-қыздарыңызбыз, Әке! «Әке – балаға сыншы» деген, Өзіңізге мәлім қылығымыз бен тіліміз! Үйіміздің шуақты нұры аяулы анамыз болса, Бәріміздің шырқап айтар ән-жырымыз – асқар тау – Әке, сізсіз! Ақылшы тірегіміз де Өзіңізсіз! Біз сіздің өнегелі істеріңізден жарқын сәуле, әкелік жүрегіңізден жылы мейірім сезініп ер жеттік. Тәлімі көп істеріңізден үлгі ала отырып, Сіздің асқар таудай болмысыңызға еліктеп өстік. Сізді перзенттік жүрегімізбен жақсы көреміз. Адамгершілігімен, азаматтық іс-әрекетімен айналасына қадірлі болған, кісілік пен кішілік нұры тұла бойынан төгіліп тұрған сіздей ардақты әкемізді әрдайым мақтаныш етеміз! Өмір жолында адаспау үшін білімді болуға, еңбексүйгіштікке үйреткен, жамандықтан сақтандырып, пана болған өзіңіз! Бүгінгі туған күніңізбен сізді шын жүрегімізбен құттықтап, ұзақ ғұмыр тілейміз. Денсаулығыңыз мықты болсын! Сізге өмірдің бар жақсылығын тілейміз! Әр уақытта қажымай-талмай өз ортаңыздың қадірменді азаматы,өз перзенттеріңіздің айбынды ақылшысы болып жүре беріңіз! Біз сізді мақтан тұтамыз,Әке! Вернуться назад |